മീന്പിടിക്കാന് ചൂണ്ടയുമായി സൈക്കിളില് ബാലുവും സുനിലും വരവേ കുളത്തില് ഒരനക്കം... മീനെന്ന് കരുതി അവര് കുളത്തിലേക്ക് സൂക്ഷിച്ചു നോക്കി, അപ്പോള് അവര് ആ കാഴ്ച കണ്ട് ഞെട്ടി, ഒടുവില്
മീന് പിടിക്കാനായി ബാലുവും സുനിലും കൂടി സൈക്കിളില് വരവേ വെള്ളത്തില് അനക്കംകണ്ട് മീനെന്നുകരുതി അവര് ആ കുളത്തിലേക്ക് സൂക്ഷിച്ച് നോക്കി. മീന് പിടിക്കാനിറങ്ങിയ അവര് പക്ഷെ, കണ്ടത് ഒരു കുഞ്ഞിക്കൈയനക്കം. അതിര്ത്തിവേലി പൊളിച്ച് കുളത്തിലേക്ക് എടുത്തുചാടിയ അവര് സഫിന ഫാത്തിമയെന്ന രണ്ടേകാല് വയസ്സുകാരിയെ ജീവിതത്തിലേക്ക് കൈപിടിച്ചുയര്ത്തി. മണ്ണഞ്ചേരി കാവുങ്കല് രണ്ടാംവാര്ഡ് വടക്കേ തൈയില് നിഷാദിന്റെയും ആലപ്പുഴ അസിസ്റ്റന്റ് എക്സൈസ് കമ്മിഷണര് ഓഫീസിലെ വനിത സിവില് എക്സൈസ് ഓഫീസര് സൗമിലയുടെയും മകളാണ് സഫിന ഫാത്തിമ. മൂന്ന് മക്കളുള്ള ദമ്പതിമാരുടെ ഇരട്ടകളില് ഒരാളാണ് അപകടത്തില്പ്പെട്ടത്.
ഞായറാഴ്ച ഉച്ചകഴിഞ്ഞ് രണ്ടരയോടെ സഹോദരങ്ങളോടൊപ്പം വീട്ടുമുറ്റത്ത് കളിക്കുന്നതിനിടെയായിരുന്നു അപകടം. കാവുങ്കലില് സ്ഥിരതാമസമാക്കിയ ചെറുകോട് വീട്ടില് ബാലുവും അനന്തരവന് മുഹമ്മ ആര്യക്കര ഭഗവതിവിലാസം ഹയര് സെക്കന്ഡറി സ്കൂളിലെ എട്ടാംക്ലാസ് വിദ്യാര്ഥിയായ എസ്.സുനിലും വരവേയാണ് സംഭവം കണ്ടത്.
https://www.facebook.com/Malayalivartha
