പിഎസ്എസി പരീക്ഷാ ഹാളുകളില്‍ മൊബൈല്‍ ഫോണ്‍ നിരോധിക്കുമെന്ന് മുഖ്യമന്ത്രി പിണറായി വിജയന്‍. നിയമസഭയിലാണ് അദ്ദേഹം ഇക്കാര്യം അറിയിച്ചത്. പഴ്‌സ്, വാച്ച്, സ്റ്റേഷനറി, ഭക്ഷ്യ വസ്തുക്കള്‍ എന്നിവയും പരീക്ഷാ ഹാളില്‍ നിരോധിക്കുമെന്നും മുഖ്യമന്ത്രി അറിയിച്ചു. പിഎസ്സി പരീക്ഷാ നടത്തിപ്പില്‍ മാറ്റം വേണമെന്ന ക്രൈംബ്രാഞ്ച് നിര്‍ദേശത്തെ തുടര്‍ന്നാണ് തീരുമാനം.
പിഎസ്സി പരീക്ഷാത്തട്ടിപ്പ് അന്വേഷണത്തിന്റെ അടിസ്ഥാനത്തിലാണു ക്രൈംബ്രാഞ്ച് മേധാവി ടോമിന്‍ തച്ചങ്കരി സര്‍ക്കാരിന് നിര്‍ദേശങ്ങള്‍ സമര്‍പ്പിച്ചത്.