വീടിനു സമീപം കൂട്ടിയിട്ടിരുന്ന ഷൂവിനുള്ളിൽ പതുങ്ങിയിരുന്നത് മൂർഖൻ കുഞ്ഞ്.ഇതിന്റെ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ പ്രചരിക്കുകയാണ്. മൂർഖൻ പാമ്പിനെ ഷൂവിനുള്ളിൽ കണ്ടെന്നു കേട്ട് വാവ സുരേഷ് എത്തിയിരുന്നു . അദ്ദേഹം തന്നെയാണ് ആണ് ഈ ചിത്രങ്ങൾ പങ്കുവച്ചിരിക്കുന്നത്.

തിരുവനന്തപുരത്തെ പൗഡിക്കോണത്തിനു സമീപമുള്ള ആവുക്കുളത്തെ ബിനുവിന്റെ വീട്ടിൽ നിന്നുമായിരുന്നു മൂർഖൻ പാമ്പിനെ പിടികൂടിയത്. പാടശേഖരത്തിനു സമീപമായിട്ട് സ്ഥിതി ചെയ്യുന്ന വീടാണ്. വീടിനു സമീപം ഇഴജന്തുക്കൾ പതിയിരിക്കാനുള്ള സാഹചര്യം ഇല്ലാതാക്കണമെന് വാവ സുരേഷ് പറഞ്ഞു. വളർത്തുനായ പാമ്പിനെ കണ്ട് നിർത്താതെ കുരച്ചതുകൊണ്ട്‌ മാത്രമായിരുന്നു പാമ്പിനെ കാണാൻ സാധിച്ചത്. വീട്ടുകാർ നോക്കിയപ്പോൾ പാമ്പ് കൂട്ടിയിട്ടിരുന്ന ഷൂവിനുള്ളിൽ പതുങ്ങിയിരിക്കുകയായിരുന്നു.