കര്ഷകര്ക്ക് ആശ്വാസമായി കടാശ്വാസത്തിനുള്ള വ്യക്തിഗത അപേക്ഷ നവംബര് 15വരെ അപേക്ഷ നല്കാം
കര്ഷകര്ക്കായി സംസ്ഥാന കര്ഷക കടാശ്വാസ കമ്മീഷന് മുഖേന അനുവദിക്കുന്ന കടാശ്വാസത്തിനുള്ള വ്യക്തിഗത അപേക്ഷ നവംബര് 15വരെ നല്കാം. നിര്ദിഷ്ട 'സി' ഫോറത്തില് പൂര്ണമായി പൂരിപ്പിച്ച അപേക്ഷയ്ക്കൊപ്പം വരുമാന സര്ട്ടിഫിക്കറ്റ്, കര്ഷകന് അല്ലെങ്കില് കര്ഷകത്തൊഴിലാളിയാണെന്ന് തെളിയിക്കുന്ന സര്ട്ടിഫിക്കറ്റ് എന്നിവയുടെ അസലും അപേക്ഷയുടെ ഒരു പകര്പ്പും നിശ്ചിത രേഖകളുടെ സ്വയം സാക്ഷ്യപ്പെടുത്തിയ ഓരോ പകര്പ്പുകളും ഉള്പ്പെടുത്തണം. അപേക്ഷയില് ഒന്നിലധികം ബാങ്കുകളില് നിന്ന് വായ്പ എടുത്തിട്ടുള്ളതായി സൂചിപ്പിച്ചിട്ടുണ്ടെങ്കില് അത്രയും സാക്ഷ്യപ്പെടുത്തിയ പകര്പ്പുകള് കൂടുതലായി വയ്ക്കണം.
റേഷന് കാര്ഡിന്റെ പകര്പ്പ്, വരുമാനം തെളിയിക്കുന്ന വില്ലേജ് ഓഫീസറുടെ സാക്ഷ്യപത്രം (അസ്സല് സമര്പ്പിക്കണം), തൊഴില് കൃഷിയാണെന്ന്/ കര്ഷകത്തൊഴിലാളിയാണെന്ന് തെളിയിക്കുന്ന കൃഷി ഓഫീസറുടെ സാക്ഷ്യപത്രം (അസ്സല്), മൊത്തം ഉടമസ്ഥാവകാശമുള്ള വസ്തുക്കളെത്രയാണെന്ന് തെളിയിക്കുന്ന രേഖയോ അല്ലെങ്കില് കരം തീര്ത്ത രസീതിന്റെ പകര്പ്പോ വയ്ക്കണം. കൂടാതെ അപേക്ഷയില് പറഞ്ഞിരിക്കുന്ന ബാങ്കില് വായ്പ നിലനില്ക്കുന്നു എന്നു കാണിക്കുന്ന ബാങ്ക്പാസ് ബുക്കിന്റെ പകര്പ്പ്/ ബാങ്കില് നിന്നും ലഭിക്കുന്ന വായ്പാ എന്നെടുത്തു തുടങ്ങിയ വിവരങ്ങള് അടങ്ങിയ സ്റ്റേറ്റ്മെന്റ് അപേക്ഷയോടൊപ്പം സമര്പ്പിക്കണം. അപൂര്ണ്ണമായതും മുഴുവന് രേഖകളില്ലാത്തതുമായ അപേക്ഷകള് നിരസിക്കും.
https://www.facebook.com/Malayalivartha
