ബംഗളൂരു മോഡല് പബ്ബുകൾ കേരളത്തിൽ കൊണ്ടുവരുമെന്ന് പറഞ്ഞ മുഖ്യമന്ത്രിക്ക് കട്ട സപ്പോർട്ടുമായി വിവാദ നായിക ദിയ സന; ഗേ പബ്ബുകള്, ലെസ്ബിയന് പബ്ബുകള്, ട്രാന്സ് പബ്ബുകളും വേണം
ഏഷ്യാനെറ്റ് റിയാലിറ്റി ഷോയിലൂടെ ശ്രദ്ധിക്കപ്പെട്ട സോഷ്യല് ആക്ടിവിസ്റ്റാണ് ദിയ സന. വിവാദങ്ങള് ദിയ സനക്ക് പുത്തരിയല്ല. ഇപ്പോഴിതാ മുഖ്യമന്ത്രി പിണറായി വിജയൻ ബംഗളൂരു മോഡല് പബ്ബുകൾ കേരളത്തിൽ കൊണ്ടുവരുമെന്ന് സൂചന നൽകിയതിന് പിന്നാലെ കട്ടസപ്പോർട്ടുമായി എത്തിയിരിക്കുകയാണ് വിവാദ നായിക. പക്ഷെ ദിയയുടെ ആവശ്യം ഗേ പബ്ബുകള്, ലെസ്ബിയന് പബ്ബുകള്, ട്രാന്സ് പബ്ബുകള് അങ്ങനെ പ്രത്യേകം പ്രത്യേകം പബ്ബുകള് വരണമെന്നാണ്.
രാത്രി വൈകി ജോലി ചെയ്യേണ്ടി വരുന്ന ഐടി അടക്കം മേഖലയിലെ ഉദ്യോഗസ്ഥര്ക്ക് ജോലി കഴിഞ്ഞ് അല്പം ഉല്ലസിക്കണമെന്ന് തോന്നിയാല് അതിനു കേരളത്തില് സൗകര്യമില്ലെന്നു വ്യാപകമായ പരാതി നിലനിൽക്കുന്നുണ്ട്. ഈ പ്രശ്നത്തിന് പരിഹാരമായി കേരളത്തില് വ്യാപകമായ ബാറുകള് തുറന്നതിനു പിന്നാലെ ഡാന്സ് ബാറുകളായ പബ്ബുകളും തുറക്കുന്നത് ആലോചനയില് ഉണ്ടെന്ന് മുഖ്യമന്ത്രി പിണറായി വിജയന് പ്രതിവാര ടെലിവിഷന് ഷോ ആയ നാം മുന്നോട്ടില് മുന്നോട്ട് വച്ചത്. ഇതിൽ ദിയയുടെ അഭിപ്രായം ഇങ്ങനെ...
കുടിക്കുന്നവര് കുടിക്കും, അത് എവിടെ നിന്നായാലും അവര് കുടിക്കും. പബ്ബുകള് വരുന്നത് കൊണ്ട് കുടിക്കുന്നവരുടെ എണ്ണം ഒന്നും കൂടില്ല. പബ്ബുകള് വന്നാല് കേരളത്തിന്റെ സംസ്കാരത്തിന് എന്തിങ്കിലും സംഭവിക്കുമോ എന്ന ചോദ്യത്തിന് ഞാന് മറുപടി പറയില്ല. ഞാന് എന്റേതായ ഇഷ്ടങ്ങള്ക്ക് അനുസരിച്ച് ജീവിക്കുന്നയാളെന്ന രീതിയില് സദാചാരം, സംസ്കാരം എന്നീ വിഷയങ്ങളില് ഞാന് മറുപടി പറയാറില്ല. സദാചാരത്തിനൊക്കെ എതിരുളളയാളാണ് . അതുകൊണ്ട് ഇത്തരം വിഷയങ്ങളെ അവഗണിക്കുകയാണ് പതിവ്.' എന്ന് ദിയ തുറന്നടിക്കുന്നു.
ശബരിമല യുവതീപ്രവേശനത്തെ ഏറെ പിന്തുണച്ച ആളായിരുന്നു പബ്ബുകളെ ഇരുകയ്യും നീട്ടി സ്വീകരിക്കുന്ന ഈ വിവാദ നായിക. സോഷ്യല് മീഡിയ ആക്ടിവിസ്റ്റും സാമൂഹ്യ വിഷയങ്ങളില് സ്ഥിരമായി പ്രതികരിക്കുന്ന ആളുമാണ് ദിയ സന. വത്തയ്ക്ക സമരകാലത്ത് നഗ്നചിത്രം പോസ്റ്റ് ചെയ്തതിന്റെ പേരില് നിരവധി വിമര്ശനം ദിയ നേരിട്ടിരുന്നു. ഇതിന് പിന്നാലെയാണ് ദിയ സന ബിഗ്ബോസിലെത്തിയത്. ബിഗ്ബോസില് നിന്നും പുറത്തിറങ്ങിയപ്പോള് ദിയയെ തേടി മീ ടൂ വിവാദങ്ങളും എത്തി. മാറു തുറക്കല് സമരത്തിന് പിന്തുണ പ്രഖ്യാപിച്ച് രഹ്ന ഫാത്തിമ എടുത്ത ചിത്രം ദിയ സനയാണ് ഫേസ്ബുക്കില് പങ്കുവച്ചത്. തണ്ണിമത്തന് കൊണ്ട് മാറ് മറയ്ക്കുകയും പിന്നീട് മാറ് പൂര്ണമായും തുറന്നുകാണിക്കുകയും ചെയ്യുന്ന രണ്ട് ചിത്രങ്ങളായിരുന്നു ദിയ സന പോസ്റ്റ് ചെയ്തിരുന്നത്. എന്നാല് ഈ പോസ്റ്റ് ഫേസ്ബുക് കമ്യൂണിറ്റി സ്റ്റാന്റേര്ഡിന് നിരക്കുന്നില്ലെന്ന പേരില് നീക്കം ചെയ്യുകയായിരുന്നു.
മാറുമറക്കല് സമരത്തിനും പൊതുബോധത്തില് നില്ക്കുന്ന സ്ത്രീകള് എതിരായിരുന്നു. അമ്മായിയമ്മ കാണാതെ റൂമിനുള്ളില് കതകടച്ച് ഭര്ത്താവിന് കാണാന് മാത്രം ബ്ലസ് ധരിച്ച സത്രീകളെ ചരിത്രം അടയാളപ്പെടുത്തിയിട്ടുണ്ട്. അതുപോലെ ബ്ലൗസ് ധരിച്ച് സമരം ചെയ്തുകൊണ്ടിരിക്കുമ്ബോള് തമ്പ്രാക്കൾ സൂക്ഷിച്ച് നോക്കിയപ്പോള് നാണം വന്ന് ബ്ലൗസും ഊരി തോളിലിട്ട് സമരത്തില് നിന്ന് നടന്നുപോയ സ്ത്രീകളും ഉണ്ടായിരുന്നുവെന്നായിരുന്നു ദിയ പങ്കുവച്ച ചിത്രത്തിന് രഹ്ന ഫാത്തിമ മറുപടി നൽകിയത്.
കേരളത്തില് പബ്ബുകള് ആരംഭിക്കുന്നത് പരിഗണനയിലാണെന്ന സര്ക്കാരിന്റെ ഈ നിലപാടിനോട് ജനങ്ങള്ക്കിടയിലും സാമൂഹിക-സാംസ്കാരിക മേഖലയില് പ്രവര്ത്തിക്കുന്നവര്ക്കിടയിലും സമ്മിശ്ര അഭിപ്രായമാണുളളത്. ഈ വിഷയത്തിലാണ് ദിയാസനയുടെ പ്രതികരണം.
https://www.facebook.com/Malayalivartha
