തങ്ങൾക്കെതിരെ യു എ പി എ സംബന്ധിച്ച നിലപാടിൽ നിന്നും സർക്കാർ പിന്നോട്ട് പോയതിൽ പ്രതിഷേധമുണ്ടെന്നു അലൻ ഷുഹൈബ് .സർക്കാർ ഒപ്പമുണ്ടമോ എന്നറിയില്ലെന്നും എന്നാൽ തങ്ങളെ പുറത്താക്കിയ പാർട്ടി നടപടി സ്വാഭാവികമെന്നും അലൻ പറഞ്ഞു. പാർട്ടി കൂടെ ഉണ്ടെന്നാണ് തന്റെ പ്രതീക്ഷയെന്നും അലൻ പറഞ്ഞു. തങ്ങളെ പോലീസ് കള്ളക്കേസിൽ കുടുക്കിയതാണ്. അലൻ ശുഹൈബിന്റെ ഈ മാസം15 വരെ പോലീസ് കസ്റ്റഡിയിൽ വിട്ടിരിക്കുകയാണ്. ശക്തമായ തെളിവുകളുടെ അടിസ്‌ഥാനത്തിൽ കോടതി കഴിഞ്ഞ ദിവസം ഇവർക്കു ജാമ്യം നിഷേധിച്ചിരുന്നു. അലനോടൊപ്പം അറസ്റ്റിലായ താഹയെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചിരിക്കുകയാണ്. അതുകൊണ്ടുതന്നെ അലനെ മാത്രമാണ് ഇന്ന് കോടതിയിൽ ഹാജരാക്കിയത്.

ജയിലിൽ നിന്നും മാവോയിസ്റ്റുകൾ എന്ന് വിളിച്ചു വാർഡന്മാർ തങ്ങളെ അപമാനിക്കുന്നു എന്നും മാവോയിസ്റ്റുകൾ എന്ന് മുദ്രകുത്തി ഫേസ്‌ബുക്കിലൂടെ അപമാനിക്കാൻ പോലീസ് ശ്രമിക്കുന്നു എന്നും അലൻ പറഞ്ഞു. മാവോവാദി ബന്ധം ചുമത്തി അലൻ, താഹ എന്നെ രണ്ടു വിദ്യാർത്ഥികളെ യു എ പി എ ബന്ധം ചുമത്തി അറസ്റ്റ് ചെയ്തത് വാദപ്രതിവാദങ്ങൾക്കു വഴിവെച്ചിരിക്കുകയാണ്. ഈ വിദ്യാർത്ഥികളുടെ കയ്യിൽ നിന്നും സംശയാസ്പദമായ സാഹചര്യത്തിൽ ലഘുലേഖകളും നിരോധിച്ച പുസ്‌തകങ്ങളും കണ്ടെടുത്തിരുന്നു. അട്ടപ്പടിയിലെ മാവോയിസ്റ് വേട്ടയുമായി ബന്ധപെട്ടു ശക്തമായ നടപടികളിലൂടെ സർക്കാർ മുന്നോട്ടു പോകുന്നതിനിടെയായിരുന്നു ഇരുവരുടെയും അറസ്റ്റ്.