കഴിഞ്ഞ ഒമ്പത് മാസത്തിലേറെയായി കേരളം കാത്തിരിക്കുന്ന ശബരിമലക്കേസിലെ പുനഃപരിശോധനാ ഹര്‍ജിയിലെ വിധി സ്ത്രീകള്‍ക്ക് അനുകൂലമായി വരുമെന്നാണ് പ്രതീക്ഷയെന്ന് കഴിഞ്ഞ വര്‍ഷം ദര്‍ശനം നടത്താന്‍ ശ്രമിച്ച രഹ്ന ഫാത്തിമ. ശബരിമലയില്‍ പ്രവേശിക്കാന്‍ ശ്രമിച്ചതിന് ഔദ്യോഗികമായും അല്ലാതെയും കഴിഞ്ഞ ഒരുവര്‍ഷമായി പീഡനം അനുഭവിക്കേണ്ടി വന്നെന്ന് രഹ്ന ഫാത്തിമ പറഞ്ഞു.

വിധി അനുകൂലമായാല്‍ ദര്‍ശനം നടത്താന്‍ വീണ്ടും എത്തുമെന്ന് ചാത്തന്നൂര്‍ സ്വദേശി മഞ്ജുവും വ്യക്തമാക്കി. വിധി അനുകൂലമാകുമെന്ന് പ്രതീക്ഷിക്കുന്നുവെന്നും,​ തുല്യ നീതിക്ക് വേണ്ടിയുള്ള പൊരാട്ടമാണെന്നും ആള്‍ക്കൂട്ടത്തെ ഭയക്കുന്നില്ലെന്നും മഞ്ജു ഒരു പ്രമുഖ മാദ്ധ്യമത്തോട് പറഞ്ഞു.