എസ്എന്ഡിപി യോഗമെന്ന സ്വന്തം കുഞ്ഞിനെ കൊല്ലാനാണ് ചിലര് ശ്രമിക്കുന്നത്; നേര്ക്കുനേര് നിന്നു പറയാന് ധൈര്യവും തന്റേടവും ഇല്ലാത്ത ചിലര് പിന്നില് നിന്ന് കുത്തുന്ന ബ്രൂട്ടസുകളായി മാറിയിരിക്കുന്നു: പണം കൊണ്ട് പിടിച്ചെടുക്കാന് സാധിക്കുന്ന സംഘടനയല്ല എസ്എന്ഡിപി യോഗം: അധികാരമത്ത് തലയ്ക്കു പിടിച്ച ചിലര് തകർക്കാൻ ശ്രമിക്കുന്നു; നാട്ടില് ഏതു സര്ക്കാര് വന്നാലും സവര്ണ ലോബി ഹൈജാക്ക് ചെയ്യുകയാണെന്ന് വെള്ളാപ്പള്ളി നടേശന്
നേര്ക്കുനേര് നിന്നു പറയാന് ധൈര്യവും തന്റേടവും ഇല്ലാത്ത ചിലര് പിന്നില് നിന്ന് കുത്തുന്ന ബ്രൂട്ടസുകളായി മാറിയിരിക്കുന്നു. പണം കൊണ്ട് പിടിച്ചെടുക്കാന് സാധിക്കുന്ന സംഘടനയല്ല എസ്എന്ഡിപി യോഗമെന്നും എസ്എന്ഡിപി യോഗത്തെ തകര്ക്കാന് അധികാരമത്ത് തലയ്ക്കു പിടിച്ച ചിലര് ശ്രമിക്കുകയാണെന്നും ജനറല് സെക്രട്ടറി വെള്ളാപ്പള്ളി നടേശന്.
എസ്എന്ഡിപി യോഗമെന്ന സ്വന്തം കുഞ്ഞിനെ കൊല്ലാനാണ് ചിലര് ശ്രമിക്കുന്നത്. ഉടന് എസ് എന് ഡി പി യോഗത്തെ റിസീവര് ഭരണത്തിനു കീഴിലാക്കുമെന്ന് ചിലര് സമൂഹമാധ്യമങ്ങളിലൂടെ പ്രചാരണം നടത്തുന്നു. നേര്ക്കുനേര് നിന്നു പറയാന് ധൈര്യവും തന്റേടവും ഇവര്ക്കില്ല. വാട്സാപ്പും ഫെയ്സ്ബുക്കുമല്ല ഈ രാജ്യത്തെ നയിക്കുന്നത്. തന്നെയും തുഷാറിനെയും ഒതുക്കണമെന്നാണ് ഇപ്പോള് ഇവര് പറയുന്നത്. അമിത് ഷായുടെ നിര്ദേശപ്രകാരമാണ് ഈ നീക്കമെന്നു പ്രചരിപ്പിക്കുന്നവര് അമിത് ഷായുടെ രോമം പോലും അടുത്തു നിന്നു കണ്ടിട്ടില്ലെന്നും വെള്ളാപ്പള്ളി നടേശന് പരിഹസിച്ചു.
നാട്ടില് ഏതു സര്ക്കാര് വന്നാലും സവര്ണ ലോബി ഹൈജാക്ക് ചെയ്യുകയാണെന്നും വെള്ളാപ്പള്ളി ആരോപിച്ചു. ചങ്ങനാശേരിയില് നിന്നു കിട്ടിയ കത്ത് മാത്രം വച്ച് എല്ഡിഎഫ് സര്ക്കാര് മുന്നാക്കക്കാര്ക്ക് ദേവസ്വം ബോര്ഡുകളില് സംവരണം നല്കി. അവര്ക്ക് സമരം നടത്തുക പോലും ചെയ്യേണ്ടിവന്നില്ല. അവകാശങ്ങളും അധികാരങ്ങളും സവര്ണര് കൊണ്ടുപോകുകയാണ്. പകലിനെ പറഞ്ഞുപറഞ്ഞ് ഇരുട്ടാക്കിയാണ് അവര് ഇത് ചെയ്യുന്നത്. ചങ്ങനാശേരിയുടെ ചാരന്മാര് എല് ഡി എഫിന്റെ എം എല് എമാര്ക്കിടയിലുണ്ട് - വെള്ളാപ്പള്ളി തുറന്നടിച്ചു.
https://www.facebook.com/Malayalivartha