കളിക്കുന്നതിനിടെ ഗേറ്റ് ദേഹത്ത് മറിഞ്ഞുവീണ് ഒമ്പത് വയസുകാരന് ദാരുണാന്ത്യം.... അമ്മയുടെ മുന്നില്‍വച്ച് കുട്ടി ഗേറ്റില്‍ തൂങ്ങികളിക്കവേയാണ് അപകടമുണ്ടായത്
അമ്മയുടെ കണ്‍മുന്നില്‍ കളിക്കുന്നതിനിടെ ഗേറ്റ് ദേഹത്ത് മറിഞ്ഞുവീണ് ഒമ്പത് വയസുകാരന് ദാരുണാന്ത്യം. വണ്ടിപ്പെരിയാര്‍ ഗാന്ധി നഗറില്‍ തമിഴ് സെല്‍വന്‍- മുത്തു ലക്ഷ്മി ദമ്പതികളുടെ മകന്‍ അമനാണ് മരിച്ചത്. ഇന്നലെ ഉച്ചയോടെ വീല്‍ ഘടിപ്പിച്ച ഗേറ്റില്‍ കുട്ടി തൂങ്ങിക്കളിച്ചു കൊണ്ടിരിക്കെയായിരുന്നു അപകടം നടന്നത്. തൂങ്ങിയാടുന്നതിനിടെ വീല്‍ തെന്നിമാറി ഗേറ്റ് അമന്റെ ദേഹത്ത് പതിക്കുകയായിരുന്നു. തലയ്ക്ക് ഗുരുതര പരിക്കേറ്റ അമനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
പെരിയാര്‍ സെന്റ് ജോസഫ് സ്‌കൂളിലെ നാലാം ക്ലാസ് വിദ്യാര്‍ത്ഥിയാണ്. പിതാവ് തമിഴ് സെല്‍വന്‍ സൈനികനാണ്. രണ്ടാഴ്ച മുമ്പാണ് അവധി കഴിഞ്ഞ് അസാമിലെ ക്യാമ്പിലേക്കു മടങ്ങിയത്. മാതാവ് മുത്തു ലക്ഷ്മി ഗ്രാമ്പി ഗവ. എല്‍.പി സ്‌കൂളിലെ അദ്ധ്യാപികയാണ്. സഹോദരന്‍ അമിത്കുമാര്‍. സംസ്‌കാരം ഇന്ന് വൈകിട്ട് നാലിന് മൗണ്ട് പൊതുശ്മശാനത്തില്‍ നടക്കും.
"
https://www.facebook.com/Malayalivartha
