നടന് ഷെയിന് നിഗം അമ്മ ജനറല് സെക്രട്ടറി ഇടവേള ബാബുവുമായി കൂടികാഴ്ച്ച നടത്തി; മുടങ്ങി കിടക്കുന്ന സിനിമകള് പൂര്ത്തികരിക്കാന് തയ്യാറാണെന്ന് ഷെയിന് നിഗം അമ്മ ഭാരവാഹികള്ക്ക് ഉറപ്പ് നല്കി; അമ്മ ഭാരവാഹിയായ നടന് സിദ്ധിക്കിന്റെ വീട്ടില് വെച്ചായിരുന്നു കൂടികാഴ്ച്ച
വിഷയ ത്തില് ഷെയിന് തന്റെ ഭാഗം വിശദ്ദീകരിച്ചെങ്കിലും വെയില് സിനിമയുടെ ഡേറ്റ് സംബന്ധിച്ച കാര്യങ്ങളില് അവ്യക്തതയുണ്ടെന്നും ഇതിനായി ഫെഫ്ക്ക നേതൃത്വവുമായി അമ്മ ഭാരവാഹികള് രണ്ട് ദിവസത്തിനകം ചര്ച്ച നടത്തുമെന്നും അറിയിച്ചു.
വെയില് സിനിമയുടെ ഷൂട്ടിനായി 15 ദിവസമാണ് നേരത്തെ നടന്ന ഒത്തു തീര്പ്പ് ചര്ച്ചയില് സംവിധായകന് ആവശ്യപ്പെട്ടതെങ്കിലും സൈറ്റിലെത്തിയപ്പോള് 24 ദിവസത്തെ ഷൂട്ട് വേണമെന്ന് സംവിധായകന് പറഞ്ഞപ്പോഴാണ് പ്രശ്നം വീണ്ടും തുടങ്ങിയെതെന്നാണ് പറയുന്നത്.
ഇതുമായി ബന്ധപ്പെട്ട് ഫെഫ്ക്ക നേതൃത്വ സംവിധായകനുമായി സംസാരിച്ച ശേഷം അമ്മ ജനറല് സെക്രട്ടറിയെ കാര്യങ്ങള് ധരിപ്പിക്കും ഇക്കാര്യത്തില് വ്യക്തത വന്ന ശേഷമായിരിക്കും നിര്മ്മാതാക്കളുമായി ചര്ച്ച നടത്തുക.
നേരത്ത ചെയ്തത് പോലെ ഷെയ്ന് നിഗവും സംവിധായകനും നിര്മാതാവും ഒന്നിച്ചുള്ള ചര്ച്ചകള് ആവശ്യമില്ലെന്നാണ് അമ്മ നേതൃത്വത്തിന്റെ നിലപാട്.
ഷെയിന് നിഗത്തിന് ഏര്പ്പെടുത്തിയ വിലക്കില് ഇടപെടണമെന്നാവശ്യപ്പെട്ട് താരസംഘടനയ്ക്ക് ഷെയിന് നിഗത്തിന്റെ അമ്മ സുനില നേരത്തെ കത്ത് നല്കിയിരുന്നു. പ്രശ്നത്തില് ഒത്തു തീര്പ്പിന് ശ്രമിക്കണമെന്ന് ഫെഫ്കയും താരസംഘടനയോട് ആവശ്യപ്പെട്ടു.
ഇതേ തുടര്ന്നാണ് ഇരുവിഭാഗവുമായി ചര്ച്ചകള്ക്ക് നേതൃത്വം നല്കാന് അമ്മ ഭാരവാഹികള് തീരുമാനിച്ചത്. ആദ്യം ഷെയ്നുമായി ചര്ച്ച, പിന്നീ പ്രൊഡ്യൂസേഴ്സ് അസോസിയേഷനുമായി ചര്ച്ച എന്നായിരുന്നു അമ്മയുടെ നീക്കം. ചര്ച്ചയ്ക്കായി ഇക്കഴിഞ്ഞ ബുധനാഴ്ച്ച കൊച്ചിയിലെത്താനായിരുന്നു സംഘടന നടനോട് ആവശ്യപ്പെട്ടത്.
https://www.facebook.com/Malayalivartha