ചില പ്രത്യേക സാഹചര്യങ്ങളില്‍ മാത്രം പുറത്തിറങ്ങുന്നതാണ് കേരളത്തിലെ സാംസ്‌കാരിക കൂട്ടായ്മകള്‍. ഭരണപക്ഷ പാര്‍ട്ടിക്കാര്‍ പ്രതികളാകുന്ന അത്യന്തം നാടിനെ നടുക്കുന്ന പ്രശ്‌നമാണെങ്കില്‍ പോലും ഈ കൂട്ടായ്മയെ മഷിയിട്ട് നോക്കിയാല്‍ കാണില്ല. നിരവധി പിഞ്ചുകുട്ടികള്‍ ബലാത്സംഗത്തിനിരയായിട്ടും ക്രൂരമായ കൊലപാതകങ്ങളുണ്ടായിട്ടും ഇവര്‍ മാളത്തില്‍ തന്നെയൊളിച്ചു. കുറേക്കാലം കാണാതിരുന്ന ഈ കൂട്ടായ്മ ചെറുതായി ഇന്നലെ കൊച്ചിയില്‍ രംഗത്തെത്തിയിട്ടുണ്ട്. പൗരത്വ ഭേദഗതി നിയമത്തിനെതിരെ കൊച്ചിയില്‍ നടന്ന റാലിയിലാണ് സിനിമ താരങ്ങളില്‍ ചിലര്‍ പങ്കെടുത്തത്. ചലച്ചിത്ര അക്കാദമി ചെയര്‍മാന്‍ കമല്‍, സംവിധായകന്‍ ആഷിക് അബു, ഷെയ്ന്‍ നിഗം, റിമാ കല്ലിങ്കല്‍, നിമിഷ സജയന്‍ തുടങ്ങിയ താരങ്ങളാണ് പങ്കെടുത്തത്.

ഇപ്പോള്‍ റാലിക്കിടെ നിമിഷ സജയന്‍ പറഞ്ഞ വാക്കുകള്‍ വൈറലാകുകയാണ്. ഇത്രയും ആള്‍ക്കാര്‍ നമ്മളെ പിന്തുണയ്ക്കാന്‍ വന്നതില്‍ സന്തോഷമെന്നാണ് നിമിഷ പറഞ്ഞത്. ഇപ്പോള്‍ ഞാന്‍ വന്നപ്പോള്‍ ഒരു ബോര്‍ഡ് വായിച്ചായിരുന്നു. തൃശൂര്‍ ചോദിച്ചിട്ട് കൊടുത്തില്ല, ആ നമ്മളോടാണ് ഇന്ത്യ ചോദിക്കുന്നത്. നമ്മള്‍ കൊടുക്കുവോ? കൊടുക്കൂല്ല. നന്ദി...നിമിഷ കൈയ്യടികള്‍ക്കിടയില്‍ പറഞ്ഞു.

അതേസമയം സിനിമാ നടിയായ നിമിഷ സജന്‍ മലയാള സിനിമയിലെ സൂപ്പര്‍ സ്റ്റാറായ സുരേഷ് ഗോപിയോടിത് പറയരുതായിരുന്നു എന്നാണ് ആരാധകര്‍ പറയുന്നത്. മമ്മൂട്ടിയോടോ മോഹന്‍ലാലിനോടോ ഇത് പറയുമായിരുന്നോ എന്നുമവര്‍ ചോദിക്കുന്നു. എങ്കില്‍ എപ്പോള്‍ ഔട്ടായെന്ന് ചോദിച്ചാല്‍ മതി. ഒന്നുമില്ലേലും കേന്ദ്രം ഭരിക്കുന്ന പാര്‍ട്ടിയുടെ എം.പി.യല്ലേയെന്നും ആരാധകര്‍ സോഷ്യല്‍ മീഡിയയിലൂടെ ചോദിക്കുന്നു.

അതേസമയം നിമിഷ സജയന്റെ ഫേസ്ബുക്കിലും ചോദ്യങ്ങള്‍ നിറയുകയാണ്. അഡ മോളെ നമ്മുടെ തൃശൂര്‍ ചോദിച്ചിട്ട് കൊടുത്തില്ല പിന്നെയാണോ ഇന്ത്യാ എന്നു പറഞ്ഞു എന്നു അറിഞ്ഞു. മോളെ കേരളം ഇന്ത്യക്ക് ഉള്ളില്‍ ആണ് അല്ലാതെ കേരളത്തിന് ഉള്ളില്‍ അല്ല ഇന്ത്യ. ചാന്‍സിനു വേണ്ടി ഇങ്ങനെ ചെയ്യുന്നത് നല്ലതു തന്നെയാണ് എന്നാണ് ഒരാളുടെ കമന്റ്.

ഈ തൃശ്ശൂര്‍ ഇന്ത്യയിലാണ് ചേച്ചി , ഇന്ത്യ ഭരിക്കുന്നത് ബിജെപിക്കാരണ് ചേച്ചി എന്നും കമന്റുണ്ട്.

ഇന്ന് വിദേശ നുഴഞ്ഞുകയറ്റക്കാരെ പുറത്താക്കാന്‍വേണ്ടിയുള്ള CAA യ്ക്ക് എതിരെ പ്രകടനം നടത്തിയ ഒരു സിനിമാക്കാരും ശബരിമല വിഷയത്തില്‍ നമ്മുടെ കൂടെ ഉണ്ടായിരുന്നില്ല. മിക്കവരും അത് കണ്ടിട്ടും കാണാത്തമട്ടില്‍ കണ്ണടച്ച് നില്‍ക്കുകയായിരുന്നു. ഇനിയും ഇവരുടെ പടം വിശ്വാസികള്‍ കാണണോ എന്ന് ചിന്തിക്കു.. ഫാമിലിയായി ഇവരുടെ പടം കാണുന്ന പണം നമ്മുക്ക് ക്ഷേത്രങ്ങളിലെ അന്നദാനത്തിനോ അനാഥാലയങ്ങളിലെ ഭക്ഷണത്തിനോ നല്‍കാം. എന്നിങ്ങനേയാണ് മറ്റൊരു കമന്റ്.

ഞാന്‍ ഇതില്‍ രാഷ്ട്രീയം പറയുന്നില്ല. സുരേഷ് ഗോപി എന്ന മനുഷ്യനെയും നടനെയും ഇഷ്ടപെടുന്നതുകൊണ്ടു പറയുവാ. നിനക്ക് എന്ത് യോഗ്യത ഉണ്ട് ആ മനുഷ്യനെ ട്രോളാന്‍. തൃശൂര്‍ എടുത്തില്ലേലും തൃശൂരിന്റെ ഒരു ഭാഗം മുഴുവന്‍ അദ്ദേഹം ഏറ്റടുത്ത് നീ അറിഞ്ഞു കാണില്ല. നീ വരുന്നതിന് മുമ്പ് അദ്ദേഹം സിനിമയില്‍ വന്നതാ. അപ്പഴാ ഇന്നലത്തെ മഴക്ക് കുരുത്ത നീ. സുരേഷേട്ടന്‍ എന്ന മനുഷ്യാ സ്‌നേഹി കഴിവുകൊണ്ട് വന്നതാ... ഇങ്ങനെ വളരെ കാര്യമായ ചര്‍ച്ചകളോടൊപ്പം ചില കമന്റുകള്‍ അപമാനിക്കുന്ന തരത്തിലേക്കും പോകുന്നുണ്ട്. ഇത് ഒരു തരത്തിലും ന്യായീകരിക്കാന്‍ കഴിയുന്നില്ല.