സോഷ്യല്‍മീഡിയയില്‍ 16 ലക്ഷം ഫോളോവേഴ്‌സുണ്ടായിരുന്ന കണ്ടന്റ് ക്രിയേറ്റര്‍ നിതി തിവാരി ജീവനൊടുക്കി. 30 വയസായിരുന്നു. മദ്ധ്യപ്രദേശില്‍ നിന്നുള്ള പ്രമുഖ സോഷ്യല്‍ മീഡിയ താരമായിരുന്നു നിതി. നിതി പങ്കുവയ്ക്കുന്ന വീഡിയോകള്‍ക്ക് ദശലക്ഷക്കണക്കിന് വ്യൂസ് ആണ് ലഭിച്ചിരുന്നത്. 2024ല്‍ 'മിസ് പ്രിറ്റി ഇന്ത്യ' കിരീടം ചൂടിയിരുന്നു. മോഡലിംഗിലും സിനിമാ അഭിനയത്തിലും സജീവമാകാനുള്ള ശ്രമത്തിനിടെയാണ് ആത്മഹത്യ.

മദ്ധ്യപ്രദേശിലെ ഭുസ മോദിലെ വീട്ടില്‍ തൂങ്ങിമരിച്ച നിലയിലാണ് നിതിയുടെ മൃതദേഹം കണ്ടത്. വീട്ടുകാര്‍ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. ആരോ ഒരാളോട് ഫോണില്‍ സംസാരിച്ചതിന് പിന്നാലെയാണ് മകള്‍ ആത്മഹത്യ ചെയ്തതെന്ന് കുടുംബം ആരോപിക്കുന്നു. ഇത് സംബന്ധിച്ച് അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.