പൗരത്വഭേദഗതി നിയമത്തിനെതിരെ പ്രതിഷേധിക്കാനിറങ്ങിയ ചലച്ചിത്രപ്രവര്ത്തകരെ, പ്രത്യേകിച്ച് നടിമാരെയും ഇന്കംടാക്സിന്റെ പേരില് ഭീഷണിപ്പെടുത്തുന്ന ബി.ജെ.പി നേതാവ് സന്ദീപ് വാര്യര്ക്കെതിരെ സോഷ്യല്മീഡിയയിലടക്കം വ്യാപകപ്രതിഷേധം
പൗരത്വഭേദഗതി നിയമത്തിനെതിരെ പ്രതിഷേധിക്കാനിറങ്ങിയ ചലച്ചിത്രപ്രവര്ത്തകരെ, പ്രത്യേകിച്ച് നടിമാരെയും ഇന്കംടാക്സിന്റെ പേരില് ഭീഷണിപ്പെടുത്തുന്ന ബി.ജെ.പി നേതാവ് സന്ദീപ് വാര്യര്ക്കെതിരെ സോഷ്യല്മീഡിയയിലടക്കം വ്യാപകപ്രതിഷേധം. നാടിനോടുള്ള പ്രതിബദ്ധത കൃത്യമായി നികുതിയടച്ച് തെളിയിക്കണമെന്നാണ് സന്ദീപ് വാര്യര് പറയുന്നത്. എന്നാല് സന്ദീപിന്റെ പാര്ട്ടിയിലെ എം.പിയായ നടന് സുരേഷ് ഗോപി വാഹന നികുതി വെട്ടിക്കാന് ആഢംബര കാര് പോണ്ടിച്ചേരിയിലെ വ്യാജ വിലാസത്തില് രജിസ്റ്റര് ചെയ്തതിന് ക്രൈംബ്രാഞ്ച് കേസ് എടുത്ത് എഫ്.ഐ.ആര് രജിസ്റ്റര് ചെയ്തിട്ടുണ്ട്. അത് മറന്നാണ് ഇത്തരത്തിലുള്ള ഭീഷണി മുഴക്കുന്നതെന്ന ആക്ഷേപം ശക്തമാണ്.
സുരേഷ്ഗോപി അടക്കമുള്ള ബി.ജെ.പി ബന്ധമുള്ള ചില സിനിമാക്കാരും കൃത്യമായി നികുതി അടയ്ക്കുന്നുണ്ടോ എന്ന് പരിശോധിക്കാന് ആര്ജ്ജവമുണ്ടോ എന്ന ചോദ്യം പല സിനിമാപ്രവര്ത്തകരും ചോദിക്കുന്നു. സുരേഷ് ഗോപി ഒരു സിനിമയ്ക്ക് ഒരു കോടി രൂപയാണ് പ്രതിഫലം വാങ്ങുന്നത്. അതിന്റെ നികുതി നിര്മാതാവ് അടച്ച് രസീത് നല്കിയാലേ അദ്ദേഹം ഡബ്ബിംഗ് പൂര്ത്തിയാക്കൂ എന്ന് ഒരു പ്രൊഡക്ഷന് കണ്ട്രോളര് മലയാളി വാര്ത്തയോട് പറഞ്ഞു. ഇത്തരത്തിലുള്ള സംഭവങ്ങള് നടക്കുമ്പോള് പൗരത്വഭേദഗതി നിയമത്തിനെതിരെ മാത്രം പ്രതിഷേധിക്കുന്ന ചലച്ചിത്രതാരങ്ങളെ വേട്ടയാടുന്നത് രാഷ്ട്രീയ പ്രേരിതമാണെന്നും അദ്ദേഹം പ്രതികരിച്ചു.
മോദി സര്ക്കാര് അധികാരത്തില് വന്ന ശേഷം എല്ലാത്തരത്തിലും സിനിമയേയും പ്രതിഷേധിക്കുന്ന സിനിമാ പ്രവര്ത്തകരെയും ചലച്ചിത്രവിദ്യാര്ത്ഥികളെയും ഭീഷണിപ്പെടുത്തുന്ന നിരവധി സംഭവങ്ങള് നടന്നിട്ടുണ്ട്. പത്മാവത് എന്ന സിനിമയുടെ ചിത്രീകരണം മുതല് തുടങ്ങിയ അക്രമസംഭവങ്ങള് ഉദാഹരണം. സെക്സി ദുര്ഗ എന്ന പേരിട്ടത് കൊണ്ട് മാത്രം സനല്കുമാര് ശശിധരന്റെ സിനിമ ഗോവാ രാജ്യാന്തര ചലച്ചിത്രമേളയില് പ്രദര്ശിപ്പിച്ചില്ല. ഉത്തരേന്ത്യയില് ജയ്ശ്രീരാംവിളി മുഴക്കി ന്യനപക്ഷങ്ങളെ ആക്രമിക്കുന്ന സംഭവങ്ങള്ക്കെതിരെ പ്രതികരിച്ചതിന് വിഖ്യാത ചലച്ചിത്രകാരന് അടൂര് ഗോപാലകൃഷ്ണനെ ഇക്കൊല്ലം ഗോവന് ഫിലിം ഫെസ്റ്റിവലിന്റെ സുവര്ണ ജൂബിലി ആഘോഷപരിപാടകളില് പങ്കെടുപ്പിച്ചില്ല. ബി.ജെ.പി പ്രവര്ത്തകനും സീരിയല് നടനുമായ സീരിയല് താരത്തെ നിയമിച്ചതിനെതിരെ വിദ്യാര്ത്ഥികള് നടത്തിയ സമരത്തെ അടിച്ചമര്ത്താന് നോക്കി.
പ്രധാനമന്ത്രി നരേന്ദ്രമോദിയുടെ നയങ്ങള്ക്കെതിരെ പരസ്യമായി വിമര്ശനം ഉന്നയിച്ച നടന് പ്രകാശ് രാജിനെ ബോളിവുഡ് സിനിമകളില് നിന്ന് ഒഴിവാക്കിയതായി അദ്ദേഹം തന്നെ തുറന്നടിച്ചിരുന്നു. സിനിമ തുടങ്ങും മുമ്പ് തിയേറ്ററകളില് ദേശീയഗാനം വേണമെന്ന നിര്ദ്ദേശത്തിനെതിരെ പ്രതികരിച്ച ചലച്ചിത്ര അക്കാദമി സെക്രട്ടറി കമലിനെതിരെ ബി.ജെ.പി നടത്തിയ പ്രതിഷേധം അദ്ദേഹത്തിന്റെ വീടിന്റെ പടിവാതില്ക്കലോളമെത്തിയത് കേരളം കണ്ടതാണ്. ചെന്നൈയിലുണ്ടായിരുന്ന ആനിമല് സെന്സര്സര്ട്ടിഫിക്കറ്റ് സെന്റര് ഹൈദരാബാദിലേക്ക് മാറ്റുകയും അവിടുത്തെ ഉദ്യോഗസ്ഥര് വന്തുക കൈക്കൂലി വാങ്ങുകയും ചെയ്യുന്നുണ്ടെന്ന് സംവിധായകന് രഞ്ജിത് ബി.ജെ.പി മുന് സംസ്ഥാന അധ്യക്ഷന് ശ്രീധരന്പിള്ള പങ്കെടുത്ത ചടങ്ങില് വെച്ച് തുറന്നടിച്ചിരുന്നു. പ്രശ്നത്തില് ഇടപെടാമെന്ന് ശ്രീധരന്പിള്ള ഉറപ്പും നല്കിയിരുന്നു.
ഇത്തരത്തില് പലതരത്തില് സിനിമകളെയും സിനിമാക്കാരേയും ദ്രോഹിക്കുന്ന ബി.ജെ.പി സര്ക്കാരും പ്രവര്ത്തകരും ലൈസന്സില്ലാതെ ആനക്കൊമ്പ് സൂക്ഷിച്ച നടന് മോഹന്ലാലിനെ സഹായിക്കാന് ശ്രമിച്ചു എന്നതും ശ്രദ്ധേയമാണ്.
https://www.facebook.com/Malayalivartha
