'ഓപ്പറേഷൻ തൂഫാന്റെ' രണ്ടാം ഘട്ടമായ 'തൂഫാൻ തദ്ദേശം' തുടക്കമായി; അമ്മമാരുടെയും സഹോദരിമാരുടെയും പിന്തുണകൊണ്ടാണ് ഓപ്പറേഷൻ തൂഫാൻ വൻ വിജയമായതെന്ന് ആഭ്യന്തര മന്ത്രി രമേശ് ചെന്നിത്തല
കേരളത്തിലെ ലഹരി മാഫിയയ്ക്കെതിരെ നടപ്പാക്കുന്ന 'ഓപ്പറേഷൻ തൂഫാന്റെ' രണ്ടാം ഘട്ടമായ 'തൂഫാൻ തദ്ദേശം' മലപ്പുറം വേങ്ങരയിൽ ഉദ്ഘാടനം ചെയ്ത് ആഭ്യന്തര മന്ത്രി രമേശ് ചെന്നിത്തല.
അമ്മമാരുടെയും സഹോദരിമാരുടെയും പിന്തുണകൊണ്ടാണ് ഓപ്പറേഷൻ തൂഫാൻ വൻ വിജയമായതെന്ന് അദ്ദേഹം പറഞ്ഞു . . രാജ്യം കണ്ടതിൽ ഏറ്റവും വലിയ ലഹരി വിരുദ്ധ പോരാട്ടത്തിന്റെ രണ്ടാം ഘട്ടത്തിനാണ് തുടക്കമായിരിക്കുന്നത്.
ഒരേ സ്വരത്തിൽ ഏറ്റു പറയാം ഞാൻ എന്റെ നാടിന്റെ കാവലാൾ എന്ന്. മക്കളിൽ ഉണ്ടാകുന്ന ചെറിയ മാറ്റം പോലും പെട്ടന്ന് തിരിച്ചറിയാൻ കഴിയുന്ന അമ്മമാർ തന്നെയാണ് പോരാട്ടത്തിന്റെ ശക്തി. സ്കൂളുകളും കോളേജുകളും കേന്ദ്രീകരിച്ച് ലഹരി മാഫിയ വട്ടമിട്ട് പറക്കുകയാണ്. നമ്മുടെ വീടുകളിലേക്കും അത് എത്തിയിരിക്കുന്നു എന്ന തിരിച്ചറിവ് നമുക്ക് വേണം. മന്ത്രി പറഞ്ഞു
ഓപ്പറേഷൻ തൂഫാൻ തുടങ്ങിയ ശേഷം ലഹരി ഉപയോഗം 20 മുതൽ 30 ശതമാനം വരെ കുറഞ്ഞിട്ടുണ്ട്. രാപ്പകലില്ലാതെ ലഹരിക്കെതിരെ പോരാട്ടം നടത്തുന്ന പൊലീസിനെ അഭിനന്ദിക്കുന്നു. കോയമ്പത്തൂരിൽ നിന്ന് 13 കിലോ എം.ഡി.എം.എ പിടിച്ചെടുന്ന മലപ്പുറം പൊലീസിനെയും പ്രത്യേകമായി അഭിനന്ദിക്കുന്നുവെന്നും അദ്ദേഹം പറഞ്ഞു
https://www.facebook.com/Malayalivartha
