എസ്ബിഐ എടിഎമ്മില്നിന്ന് പണം പിന്വലിക്കാന് ജനുവരി ഒന്നുമുതല് പുതിയ രീതി
എസ്ബിഐ എടിഎമ്മുകളില് അനധികൃത ഇടപാടുകള് തടയാന് ഒടിപി അടിസ്ഥാനമാക്കിയുള്ള പണംപിന്വലിക്കല് സംവിധാനം നടപ്പാക്കുന്നു.
രാജ്യത്തൊട്ടാകെയുള്ള എസ്ബിഐയുടെ എടിഎമ്മുകളില് പുതിയരീതി നടപ്പിലാക്കുന്നത് 2020 ജനുവരി ഒന്നുമുതലാണ്.
വൈകിട്ട് എട്ടുമുതല് രാവിലെ എട്ടുവരെയുള്ള സമയത്ത് നടത്തുന്ന പണം പിന്വലിക്കലാണ് ഒടിപി സംവിധാനത്തിന്റെ അടിസ്ഥാനത്തില് നടപ്പാക്കുന്നത്.
ബാങ്കില് രജിസ്റ്റര് ചെയ്തിട്ടുള്ള മൊബൈല് നമ്പറില് ഒടിപി ലഭിക്കും. പണം പിന്വലിക്കാന് ഇത് ഉപയോഗിക്കണം. നിലവില് പണം പിന്വലിക്കുന്നതിനുള്ള നടപടിക്രമങ്ങളില് കാര്യമായ വ്യത്യാസമില്ല.
മറ്റുബാങ്കുകളുടെ എടിഎമ്മുകളില് നിന്ന് പണം പിന്വലിക്കുമ്പോള് ഈ സംവിധാനമുണ്ടാകില്ല. പിന്വലിക്കാനുള്ള പണം എത്രയെന്ന് നല്കിയശേഷം അത് സ്ക്രീനില് തെളിയും. അപ്പോള് മൊബൈലില് ഒടിപി ലഭിക്കും.
സ്ക്രീനില് തെളിയുന്ന ഭാഗത്ത് ഒടിപി നല്കിയാല് പണം ലഭിക്കും. 10,000 രൂപയ്ക്ക് മുകളില് പിന്വലിക്കുന്നതിനാണ് പുതിയ രീതി. പണം പിന്വലിക്കുന്നതിന് ക്ലോണ് ചെയ്ത കാര്ഡുകള് ഉപയോഗിക്കുന്നത് ഇതിലൂടെ തടയാനാകും.
https://www.facebook.com/Malayalivartha
