സ്വന്തം കുഞ്ഞിന് വിഷം നൽകി ജീവനെടുത്ത ശേഷം സ്വയം ജീവനെടുക്കാൻ ശ്രമിച്ച അമ്മക്ക് കോടതി ജീവപര്യന്തം തടവ് ശിക്ഷ വിധിച്ചു. ആലപ്പുഴ കറ്റാനം ഭരണിക്കാവ് സ്വദേശി ദീപയെ (34) ആണ് ആലപ്പുഴ ജില്ലാ അഡീഷണൽ സെഷൻസ് കോടതി ജീവപര്യന്തം തടവിന് ശിക്ഷിച്ചത്. 2011 ജനുവരി ഒന്നിനാണ് കേസിനാസ്പദമായ സംഭവം നടന്നത്.

ഭർത്താവിനോട് വഴക്കിട്ട യുവതി  സ്വന്തം വീട്ടിൽ പോയ ശേഷം കുഞ്ഞിന് വിഷം നൽകി കൊലപ്പെടുത്തുകയായിരുന്നു. ദീപ പിന്നീട് ആത്മഹത്യാശ്രമം നടത്തിയെങ്കിലും പരാജയപ്പെടുകയായിരുന്നു. നാടിനെ നടുക്കിയ സംഭവത്തിൽ ഇപ്പോഴും ഞെട്ടൽ മാറിയിട്ടില്ലെന്നു ഭരണിക്കാവ് സ്വദേശികൾ പറയുന്നു.