പൗരത്വ നിയമത്തിനെതിരെ ചെന്നിത്തലയുമായി കൈകോർത്ത് സമരം ചെയ്ത പിണറായി കേരളത്തിൽ തടങ്കൽ പാളയം നിർമ്മിക്കുന്നു. അനധികൃതമായി കുടിയേറിയ വിദേശികളെ പാർപ്പിക്കുന്നതിന് വേണ്ടിയാണ് തടങ്കൽ പാളയം നിർമ്മിക്കുന്നതെന്നാണ് സർക്കാർ ഭാഷ്യം..

കേരളത്തിൽ അനധികൃതമായി താമസിക്കുന്ന വിദേശ പൗരൻമാരുടെ കണക്കെടുക്കാൻ സർക്കാർ സാമൂഹിക നീതി വകുപ്പിന് നിർദ്ദേശം നൽകികഴിഞ്ഞു. വിവിധ കേസുകളിൽ ശിക്ഷിക്കപ്പെട്ട വിദേശപൗരൻമാരുടെ കണക്കെടുക്കാനാണ് നിർദ്ദേശം നൽകിയിട്ടുള്ളത്.

തടങ്കൽ പാളയം നിർമ്മിക്കാൻ കെട്ടിടം സർക്കാർ അന്വേഷിക്കുകയാണ്. പുതിയ കെട്ടിടം നിർമ്മിക്കുന്നതും സർക്കാരിന്റെ പരിഗണനയിലുണ്ട്. എന്നാൽ തത്കാലം കെട്ടിടം വാടകയ്ക്ക് എടുക്കും. സ്റ്റേറ്റ് ക്രൈം റെക്കാർഡ്സ് ബ്യൂറോയിൽ നിന്നും അനധിക്യതമായി താമസിക്കുന്ന വിദേശികളുടെ കണക്ക് സർക്കാർ കണക്കുകൾ തേടി കൊണ്ടിരിക്കുകയാണ്. സാമൂഹ്യനിതി വകുപ്പ് നിരവധി കത്തുകൾ നൽകിയിട്ടും പോലീസ് മറുപടി അയക്കുന്നില്ല.

ആസാമിൽ തടങ്കൽ പാളയം നിർമ്മിക്കുന്നത് വലിയ വാർത്തയും വിവാദവുമായി കഴിഞ്ഞപ്പോഴാണ് കേരളവും തടങ്കൽ പാളയം നിർമ്മിക്കുന്നതിന്റെ വാർത്തകൾ പുറത്തുവരുന്നത്. 2019ൽ കേന്ദ്ര സർക്കാർ എല്ലാ സംസ്ഥാനങ്ങൾക്കും തടങ്കൽ പാളയങ്ങൾ നിർമ്മിക്കാൻ നിർദ്ദേശം നൽകിയിരുന്നു. ഇതിന്റെ മാതൃകയും കേന്ദ്രം കേരള സർക്കാരിന് കൈമാറിയിരുന്നു. ജയിൽ വളപ്പിൽ നിന്നും മാറി വേണം ഇത്തരം തടങ്കൽ പാളയങ്ങൾ നിർമ്മിക്കണ്ടതെന്ന വ്യക്തമായ സൂചനയും കേന്ദ്ര സർക്കാർ നൽകിയിരുന്നു. പോലീസ് വകുപ്പിൽ നിന്നും വ്യത്യസ്തമായി ജീവനക്കാരെ നിയമിക്കണമെന്നും കേന്ദ്ര സർക്കാർ നിർദ്ദേശിച്ചിരുന്നു. പാസ്പോർട്ടും വിസയും ഇല്ലാതെ രാജ്യത്ത് കടക്കുന്നവരെ താമസിപ്പിക്കാനാണ് കേന്ദ്ര സർക്കാർ തടങ്കൽ പാളയം നിർമ്മിക്കുന്നത്. പൗരത്വ നിയമം നിലവിൽ വന്നതോടെ വിദേശികളുടെ എണ്ണം പാളയങ്ങളിൽ പെരുകും. ജയിൽ ശിക്ഷ പൂർത്തിയാക്കിയ വിദേശികളെയും ഇത്തരം സെന്ററുകളിൽ താമസിപ്പിക്കാം.

ഇതിനായി കേരള സർക്കാരിന് കേന്ദ്രം ഫണ്ട് അനുവദിച്ചിട്ടില്ല. എങ്കിലും സംസ്ഥാനത്തിന്റെ കൈയിൽ ഉള്ള ഫണ്ട് ഉപയോഗിച്ച് നീക്കങ്ങൾ ശക്തമാക്കിയിരികുകയാണ് സംസ്ഥാനം. കേന്ദ്ര സർക്കാരിന്റെ നിലപാടുകളോട് എതിർപ്പുള്ള കേരളം ധ്യതിയിൽ ഇത്തരമൊരു തീരുമാനം എടുക്കുന്നത് എന്തിനാണെന്ന് മനസിലാവന്നില്ല. തീർച്ചയായും അത് പൗരത്വ നിയമം നടപ്പിലാക്കാൻ വേണ്ടിയായിരിക്കും.

തടങ്കൽ പാളയം നിർമ്മിക്കാനുള്ള നീക്കത്തിനെതിരെ രാജ്യം അതിശക്തമായി പ്രതികരിക്കുന്നതിനിടയിലാണ് പൗരത്വനിയമത്തിനെതിരെ വാളോങ്ങി നിൽക്കുന്ന പിണറായി തന്നെ തടങ്കൽ പാളയം നിർമ്മിക്കുന്നത്.

സംസ്ഥാനത്ത് നിലവിൽ നിയമവിരുദ്ധമായി വിദേശികളെയാണ് ഉദ്ദേശിക്കുന്നതെന്ന് സർക്കാർ പറയുന്നുണ്ടെങ്കിലും പുതിയ സാഹചര്യത്തിൽ ഇത് വലിയ പ്രതിസന്ധിക്ക് കാരണമാകും. കോഴിക്കോട്ടെ പിള്ളാരേ മാവോയിസ്റ്റാക്കിയതു പോലൊരു നടപടിയായിരിക്കും ഇത്.