ജനുവരി ഒന്നുമുതൽപ്ലാസ്റ്റിക്കിനോട് ബൈ പറയാനൊരുങ്ങി രാജ്യം.. കവറുകളും കിറ്റുകളും ഉൾപ്പെടെയുള്ള പ്ലാസ്റ്റിക് ഉത്പന്നങ്ങൾക്കു ജനുവരി ഒന്നുമുതൽ പൂർണ നിരോധനം
ജനുവരി ഒന്നുമുതൽപ്ലാസ്റ്റിക്കിനോട് ബൈ പറയാനൊരുങ്ങി രാജ്യം.. കവറുകളും കിറ്റുകളും ഉൾപ്പെടെയുള്ള പ്ലാസ്റ്റിക് ഉത്പന്നങ്ങൾക്കു ജനുവരി ഒന്നുമുതൽ പൂർണ നിരോധനമാണ്..അതേസമയം പകരം സംവിധാനത്തിനായി വ്യാപാരികൾ ഇപ്പോഴും നെട്ടോട്ടമോടുകയാണ്..എന്താണ് പ്ലാസ്റ്റിക്കിനു പകരം ഉപയോഗിക്കാവുന്ന ബദൽ സംവിധാനം എന്നതിനെക്കുറിച്ച് ഇതുവരെ ധാരണയായിട്ടില്ല.
നിരോധിക്കപ്പെടുന്ന പ്ലാസ്റ്റിക് ഇനങ്ങൾ എത്രമാത്രം ജില്ലയിൽ ഉപയോഗിച്ചിരുന്നുവെന്നതിനു വ്യക്തമായ കണക്കില്ല. പ്ലാസ്റ്റിക് മൊത്തവ്യാപാരികൾ വിൽക്കുന്ന കണക്കു മാത്രമാണുള്ളത്. തമിഴ്നാട്ടിൽനിന്നും വ്യാപകമായി പ്ലാസ്റ്റിക് ഉത്പന്നങ്ങൾ എത്തുന്നുണ്ട്. നാലു ലക്ഷത്തോളം പ്ലാസ്റ്റിക് കാരി ബാഗുകൾ മാത്രം ഒരു ദിവസം ജില്ലയിൽ ചെലവഴിക്കപ്പെടുന്നുണ്ടെന്നാണ് ഏകദേശകണക്ക്.ഈ പ്ലാസ്റ്റിക്ക് എല്ലാം തന്നെ ഉപേക്ഷിക്കപ്പെടുകയും ചെയ്യുന്നു എന്നതാണ് ഏറ്റവും വലിയ വിപത്ത് . ഉപയോഗിച്ച ശേഷം പുറന്തള്ളുന്ന പ്ലാസ്റ്റിക് വസ്തുക്കള് പാരിസ്ഥിതിക- ആരോഗ്യപ്രശ്നമായി വളര്ന്ന സാഹചര്യത്തിലാണ് നിരോധനം
ഒരു മാസം ചെറുകിട കച്ചവടക്കാർ 30,000 രൂപ മുതൽ 50,000 രൂപയുടെ വരെ പ്ലാസ്റ്റിക് കിറ്റുകൾ വിൽപ്പന ചെയ്യുന്നുവെന്നാണു ഒരു സ്വകാര്യ ഏജൻസിയുടെ പഠനത്തിൽ വ്യക്തമായത്. സംസ്ഥാനത്താകെ ഒരു ദിവസം 60 ലക്ഷം കാരി ബാഗുകൾ വിൽക്കുന്നുവെന്നാണു കണക്ക്. പച്ചക്കറി കടകൾ മുതൽ മെഡിക്കൽ സ്റ്റോറുകൾ വരെയുള്ള മുഴുവൻ സ്ഥാപനങ്ങളിലും ഇത്തരത്തിൽ പ്ലാസ്റ്റിക് കാരി ബാഗുകൾ ഉപയോഗിക്കുന്നു.
വെള്ളക്കുപ്പി, ജ്യൂസ് പായ്ക്കറ്റുകൾ, പ്ലാസ്റ്റിക് കോട്ടിംഗുള്ള പേപ്പർ കപ്പുകൾ എന്നിവയുടെ വിപണനം വേറെ. ഇത്രയും ഉത്പന്നങ്ങൾക്കു പകരമായി എന്ത് ഉപയോഗിക്കുമെന്ന കാര്യത്തിൽ അധികൃതർക്കു വ്യക്തതയില്ല. പരമാവധി തുണിസഞ്ചികൾ ഉപയോഗിക്കുക, പരസ്യ പ്രചാരണത്തിനും മറ്റുമായി പ്ലാസ്റ്റിക് ഇതര മാർഗങ്ങൾ തുടങ്ങിയ നിർദേശങ്ങളാണു ശുചിത്വ കേരള മിഷൻ നൽകുന്നത്.
ഹരിത കേരള മിഷനും ഇതേ രീതിയിലുള്ള നിർദേശങ്ങളാണു നൽകുന്നത്. പുനരുപയോഗിക്കാൻ കഴിയുന്ന പ്ലാസ്റ്റിക് ക്ലീൻ കേരള മിഷൻ ശേഖരിക്കുന്നുണ്ട്. പല ബ്ലോക്ക് പഞ്ചായത്തുകളിലും പ്ലാസ്റ്റിക് ഷ്രെഡിംഗ് യൂണിറ്റുകൾ പ്രവർത്തിക്കുന്നുണ്ട്.
പുതുവർഷംമുതൽ ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉൽപ്പന്നങ്ങളാണ് നിരോധിക്കുന്നത് ..അതേസമയം ,ഭക്ഷ്യവസ്തുക്കൾ എത്തുന്ന പായ്ക്കറ്റുകൾ നിരോധനപ്പട്ടികയിൽ ഇല്ല. അതിനാൽ ഒറ്റത്തവണ ഉപയോഗിക്കുന്ന പ്ലാസ്റ്റിക് മാലിന്യം പൂർണമായും ഒഴിവാക്കപ്പെടില്ല എന്നുവേണം കരുതാൻ ..
സംസ്ഥാനത്ത് ഭക്ഷ്യവസ്തുക്കളെത്തുന്ന വൻകിട കമ്പനികളുടെ പാക്കറ്റുകളെല്ലാം മൾട്ടിലെയർ പ്ലാസ്റ്റിക് ഉപയോഗിച്ചുള്ളവയാണ്. കേരള ബിവറേജസ് കോർപ്പറേഷൻ, മിൽമ, വാട്ടർ അതോറിറ്റി എന്നീ സ്ഥാപനങ്ങൾ ഉപയോഗിക്കുന്ന പ്ലാസ്റ്റിക് കുപ്പികളും കവറുകളും തിരികെവാങ്ങി പണംനൽകുമെന്നാണ് വ്യവസ്ഥ .
ദിവസേന 25 ലക്ഷത്തിലധികം വരുന്ന പ്ലാസ്റ്റിക് കവറുകളിലാണ് മിൽമാപാലും പാലുത്പന്നങ്ങളും വിതരണം ചെയ്യുന്നത്. പ്ലാസ്റ്റിക് നിരോധനം നടപ്പാക്കാൻ രണ്ടുവർഷമെങ്കിലും വേണ്ടിവരുമെന്നാണു മിൽമയുടെ കണക്കുകൂട്ടൽ
മറ്റ് വൻകിട ബ്രാൻഡുകളുടെ ഉത്പന്നങ്ങളും ഇങ്ങനെ എത്തുന്നുണ്ട്. എന്നാൽ, ഈ നയത്തിന്റെ പരിധി ഉത്പന്നങ്ങൾ നിർമിക്കുന്ന സ്ഥലത്തായിരിക്കും. ഒറ്റത്തവണ ഉപയോഗിക്കാവുന്ന പ്ലാസ്റ്റിക് നിരോധിക്കുന്നതോടെ വൻകിട ഉത്പന്നങ്ങളുടെ സംസ്ഥാനത്തെ മൊത്തവിതരണക്കാർക്കാകും ഇതു നടപ്പാക്കാനുള്ള ബാധ്യത
ഈ മേഖലയിലുള്ളവരുടെ പക്കൽ കോടിക്കണക്കിനു രൂപയുടെ സ്റ്റോക്കാണുള്ളത്. സ്റ്റോക്ക് വിറ്റഴിക്കാൻ അനുവദിച്ചിട്ടുള്ള സമയപരിധി അപര്യാപ്തമാണ്. ഉത്പന്നങ്ങൾ വിറ്റഴിക്കാൻ കൂടുതൽ സമയം അനുവദിച്ചില്ലെങ്കിൽ വ്യാപാരമേഖലയുടെ വൻ തകർച്ചയ്ക്കു കാരണമാകുമെന്നാണ് കേരള വ്യാപാരി-വ്യവസായി ഏകോപനസമിതി പറയുന്നത്
ഒന്നു മുതൽ നിരോധിച്ച പ്ലാസ്റ്റിക് ഉത്പന്നങ്ങൾ ഇവയാണ്
പ്ലാസ്റ്റിക് കാരി ബാഗ് (എല്ലാത്തരവും), മേശവിരി, കൂളിംഗ് ഫിലിം, പ്ലേറ്റ്, കപ്പ്, ഒറ്റത്തവണ ഉപയോഗിക്കുന്ന കപ്പ്, സ്പൂണ്, ഫോർക്ക്, സ്ട്രോ, ഡിഷുകൾ, പ്ലാസ്റ്റിക് കോട്ടിംഗുള്ള പേപ്പർകപ്പ്, വാട്ടർ പൗച്ചസ്, ജ്യൂസ് പായ്ക്കറ്റ്, പെറ്റ് ബോട്ടിലുകൾ. ഒറ്റത്തവണ ഉപയോഗിക്കാവുന്ന ഈ പ്ലാസ്റ്റിക് ഉത്പന്നങ്ങൾ നിരോധനം വരുമ്പോഴും അവയ്ക്ക് ബദലായി ഉപയോഗിക്കാവുന്നവ വിപണികളിൽ ഇപ്പോൾതന്നെ സുലഭം ആണ്
പ്ലാസ്റ്റിക് കാരിബാഗുകൾക്ക് പകരം തുണി, പേപ്പർ സഞ്ചികൾ ഇപ്പോൾതന്നെ പ്രചാരത്തിലുണ്ട്. കൂടാതെ പ്ലാസ്റ്റിക് കാരിബാഗുകൾപോലെ തോന്നുന്ന സഞ്ചികളും വിപണിയിലുണ്ട്. തിളച്ച വെള്ളത്തിൽ ലയിച്ചുപോകുന്നതും മണ്ണിൽ അലിഞ്ഞുചേരുന്നതുമാണ് ഇത്തരം സഞ്ചികൾ
പ്ലാസ്റ്റിക് പാത്രങ്ങൾക്ക് പകരമായി പേപ്പറിലും പാള, ഇല എന്നിവയിൽ തീർത്ത ഒറ്റത്തവണ ഉപയോഗിക്കാവുന്ന പാത്രങ്ങൾ ഇപ്പോൾ ഹോട്ടലുകളിൽ ലഭ്യമായി തുടങ്ങിയിട്ടുണ്ട്
പേപ്പറിൽ നിർമിച്ച സ്ട്രോയും സുലഭം .. മേശവിരിപ്പുകളും തുണിയിലേക്ക് മാറിക്കഴിഞ്ഞു..അതിനാൽ പ്ലാസ്റ്റിക്ക് നിരോധനത്തിൽ നമുക്കും പങ്ക് ചേരാം
https://www.facebook.com/Malayalivartha
