സാമൂഹിക സുരക്ഷാ പെന്ഷനുവേണ്ടി പുതുതായി അപേക്ഷിക്കുന്നവര് സ്കൂള് സര്ട്ടിഫിക്കറ്റ് ഹാജരാക്കണം
സാമൂഹിക സുരക്ഷാ പെന്ഷനുവേണ്ടി പുതുതായി അപേക്ഷിക്കുന്നവര് സ്കൂള് സര്ട്ടിഫിക്കറ്റ് ഹാജരാക്കണം. സാമൂഹികസുരക്ഷാ പെന്ഷന് കിട്ടണമെങ്കില് സ്കൂള് സര്ട്ടിഫിക്കറ്റ് നിര്ബന്ധമാക്കി. പുതുതായി 60 വയസ്സ് പൂര്ത്തിയായവര് പെന്ഷനുവേണ്ടി ആധാര് തെളിവായി കാണിച്ച് അപേക്ഷിച്ചാല് പെന്ഷന് അനുവദിക്കരുതെന്ന് ധനവകുപ്പ് ജോയന്റ് സെക്രട്ടറി വകുപ്പ് മേധാവികള്ക്ക് സര്ക്കുലര് അയച്ചു. സ്കൂള് സര്ട്ടിഫിക്കറ്റ് നഷ്ടപ്പെട്ടവര്ക്കും പഠിക്കാന് അവസരമില്ലാത്തവര്ക്കും പെന്ഷന് കിട്ടുക പ്രയാസമാകും.
ജനനത്തീയതി തെളിയിക്കുന്ന സ്കൂള് സര്ട്ടിഫിക്കറ്റ് ഉള്ളവര്ക്കുമാത്രമേ പുതുതായി സാമൂഹികപെന്ഷന് അര്ഹതയുണ്ടാവൂ.നേരത്തേ സ്കൂള് സര്ട്ടിഫിക്കറ്റ് ഇല്ലാത്തവര്ക്ക് ഡോക്ടര് നല്കുന്ന പ്രായം തെളിയിക്കുന്ന സര്ട്ടിഫിക്കറ്റ് മതിയായിരുന്നു. മറ്റുരേഖകളുടെ അഭാവത്തില് വയസ്സ് തെളിയിക്കുന്നതിന് ആധാര് ഉപയോഗിക്കാമെന്നും ഉത്തരവുണ്ടായിരുന്നു. എന്നാല്, ആധാര് വയസ്സ് തെളിയിക്കുന്നതിനുള്ള മാനദണ്ഡമായി ഉപയോഗിക്കരുതെന്നാണ് പുതിയ ഉത്തരവ്. തദ്ദേശവകുപ്പ് പ്രിന്സിപ്പല് സെക്രട്ടറി, പഞ്ചായത്ത് വകുപ്പ് ഡയറക്ടര്, ഗ്രാമപ്പഞ്ചായത്ത് സെക്രട്ടറിമാര്, നഗരകാര്യഡയറക്ടര് എന്നിവര്ക്കാണ് സര്ക്കുലര് നല്കിയത്.
"
https://www.facebook.com/Malayalivartha
