ഹാവൂ രക്ഷപ്പെടുത്തി; നീണ്ട രണ്ടര മണിക്കൂർ ശ്രമം; മെട്രോ ട്രാക്കിന്റെ തൂണിൽ കുടുങ്ങിയ പൂച്ചയെ രക്ഷപ്പെടുത്തി
അഗ്നിരക്ഷാ സേനയായിരുന്നു രക്ഷാപ്രവർത്തനത്തിന് നേതൃത്വം കൊടുത്തത്. രക്ഷപ്പെട്ട പൂച്ച താഴെ വന്നതോടെ റോഡിലൂടെ ഓടിപ്പോകുകയും ചെയ്തു. എന്നാൽ പൂച്ചയെ പിന്തുടർന്ന മൃഗസ്നേഹികൾ അതിനെ പിടിച്ച് വെള്ളം കൊടുത്തു. ആശുപത്രിയിലേക്കു കൊണ്ടുപോയി അടിയന്തര ചികിത്സ നൽകുമെന്നും പറഞ്ഞു.
ഞായറാഴ്ച രാവിലെയായിരുന്നു പൂച്ച കുടുങ്ങിയത് ശ്രദ്ധയിൽപ്പെട്ടത്. തുടർന്ന് നടന്ന രക്ഷാപ്രവർത്തനങ്ങൾ ഒടുവിൽ ഫലം കാണുകയായിരുന്നു. ഉച്ചയോടെയായിരുന്നു പൂച്ചയെ രക്ഷിച്ചത് . ആറു ദിവസം മുൻപായിരുന്നു പൂച്ച തൂണിൽ കയറിയത്. പൂച്ചയുടെ കരച്ചിൽ കേട്ടു പരിശോധിച്ചപ്പോഴായിരുന്നു സംഭവം അറിഞ്ഞത്. കഴിഞ്ഞ ദിവസം തന്നെ അഗ്നിരക്ഷാസേനയെ വിവരം അറിയിച്ചു. പക്ഷേ മെട്രോ തൂണിന്റെ മുകളിൽ കയറാനുള്ള സംവിധാനങ്ങൾ ഇല്ലാത്തതിനാൽ പൂച്ചയെ മോചിപ്പിക്കാൻ കഴിഞ്ഞില്ല. മെട്രോ അധികൃതർ തന്നെ ക്രെയിൻ എത്തിച്ചതിനെ തുടർന്ന് ഞായറാഴ്ചയോടെയായിരുന്നു പൂച്ചയെ പിടിക്കാനുള്ള ശ്രമം തുടർന്നത്. സംഭവം അറിഞ്ഞ് നൂറു കണക്കിന് ആളുകൾ മെട്രോ തൂണിനു താഴെ റോഡിൽ കൂടി വന്നു.
https://www.facebook.com/Malayalivartha