കേരളാ പൊലീസിന്‍റെ ആയുധശേഖരത്തിൽ നിന്നും വെടിക്കോപ്പുകളും ആയുധങ്ങളും കാണാതായി. ഈ സിഎജി കണ്ടെത്തലിനെ കുറിച്ച് ഇപ്പോൾ പ്രതികരിക്കാനില്ലെന്ന് ഗവര്‍ണര്‍ ആരിഫ് മുഹമ്മദ് ഖാൻ പറഞ്ഞു . ഇതിൽ തിരക്കിട്ട് പ്രതികരണം നടത്തേണ്ട കാര്യം ഇപ്പോഴില്ലെന്നും ഗവര്‍ണര്‍ പറഞ്ഞു.

ഓരോ സ്ഥാപനങ്ങൾക്കും അവരവരുടെ ചുമതലയുണ്ട്. അവര്‍ അവരുടെ ജോലി ചെയ്യട്ടെ എന്നും അദ്ദേഹം പറഞ്ഞു . ആ പ്രവര്‍ത്തനങ്ങളെ ബഹുമാനിക്കുകയാണ് വേണ്ടത്. ഡി ജി പി റിപ്പോർട്ട് നൽകുന്നത് സർക്കാറിനാണ്. സി എ ജി റിപ്പോർട്ട് പിഎസിയ്ക്കും പിന്നീട് നിയമസഭയിലേക്കും പോകും. അതിന് വേണ്ടി കാത്തിരിക്കാമെന്നും ഗവർണർ ആരിഫ് മുഹമ്മദ് ഖാൻ വ്യക്തമാക്കി.