മക്കളുടെ കല്യാണം ഗംഭീരമാക്കണമെന്നാണ് ഏതൊരു പിതാവിന്റെയും ആഗ്രഹം. എന്നാല്‍ ആഗ്രഹത്തിന് പണം തടസമാകുമ്പോള്‍ അതിന് കുറവുണ്ടാകും. എങ്കിലും പ്രമുഖര്‍ കല്യാണത്തിന് പങ്കെടുക്കണമെന്ന് തന്നെയാണ് എല്ലാവരും ആഗ്രഹിക്കുന്നത്. ഉത്തര്‍പ്രദേശിലെ വാരാണസിയിലെ റിക്ഷാക്കാരനും അതേ ആഗ്രഹിച്ചുള്ളൂ. മകളുടെ കല്യാണത്തിന് പങ്കെടുക്കാന്‍ റിക്ഷാവാലക്കാരന്‍ പ്രധാനമന്ത്രി നരേന്ദ്ര മോഡിയെ ക്ഷണിച്ചു. ഡോമ്രി വില്ലേജില്‍ താമസിക്കുന്ന റിക്ഷാവലിക്കാരന്‍ മംഗള്‍ കേവത്താണ് മകളുടെ കല്യാണക്കത്ത് നരേന്ദ്രമോഡിക്കയച്ചത്.

കത്ത് ലഭിച്ചതിന് പിന്നാലെ മോഡി മംഗള്‍ കേവത്തിന് മറുപടിക്കത്തും അയച്ചു. വിവാഹാശംസകള്‍ അറിയിച്ചുകൊണ്ടുള്ളതായിരുന്നു മോഡിയുടെ കത്ത്. വധു വരന്മാര്‍ക്ക് വിവാഹാശംസകള്‍ നേര്‍ന്നതിനൊപ്പം കുടുബത്തിനും മോഡി ആശംസ അറിയിച്ചു. വ്യാഴാഴ്ചയാണ് മോഡിയുടെ കത്ത് മംഗള്‍ കോവത്തിന്റെ കുടുംബത്തെ തേടിയെത്തിയത്.

മോഡിയുടെ മറുപടി ലഭിച്ചതിന്റെ സന്തോഷത്തിലാണ് ഇപ്പോള്‍ ഈ കുടുംബം. തന്റെ സുഹൃത്തുക്കള്‍ ആവശ്യപ്പെട്ടത് പ്രകാരമാണ് മോഡിജിക്ക് ക്ഷണക്കത്ത് അയച്ചതെന്നും ഒരു കത്ത് ഡല്‍ഹിയിലേക്കും മറ്റൊരുകത്ത് വാരാണസിയിലെ ഓഫീസിലേക്കും അയച്ചിരുന്നുവെന്നും മംഗള്‍ കോവത്ത് പറയുന്നു.

കത്തയക്കുമ്‌ബോള്‍ മോഡിജിയുടെ മറുപടിക്കത്ത് ഒരിക്കലും പ്രതീക്ഷിച്ചിരുന്നില്ല. അദ്ദേഹത്തിന്റെ അനുഗ്രഹം ലഭിച്ചതില്‍ ഞങ്ങള്‍ അതീവ സന്തുഷ്ടരാണ്, മകളുടെ വിവാഹത്തിനെത്തുന്ന മുഴുവന്‍ പേരെയും മോഡിജിയുടെ കത്ത് കാണിക്കുമെന്നും കേവത്ത് പറഞ്ഞു.

റിക്ഷവലിച്ച് കിട്ടുന്ന തുകയില്‍ പാതി ഇയാള്‍ ഗംഗാ നദിയുടെ ശുചീകരണത്തിനാണ് ചെലവഴിക്കുന്നത്. പ്രധാനമന്ത്രി നരേന്ദ്രമോഡിയുടെ സ്വച്ഛ്ഭാരത് ക്യാംപയിനില്‍ സജീവ പങ്കാളിയുമായിരുന്നു. മോഡിയുടെ ബിജെപി മെമ്ബര്‍ഷിപ്പ് ക്യാംപയിനിന്റെ ഭാഗമായാണ് മംഗള്‍ കേവത്ത് പാര്‍ട്ടി അംഗത്വം എടുത്തത്.

ഒരുവശത്ത് റിക്ഷാക്കാരന്റെ വാര്‍ത്ത തകര്‍ക്കുമ്പോള്‍ മറുവശത്ത് ഇന്ത്യ സന്ദര്‍ശിക്കാനുള്ള യുഎസ് പ്രസിഡന്റ് ഡൊണാള്‍ഡ് ട്രംപിന്റെ ഒരുക്കങ്ങളിലാണ് കേന്ദ്രം. ട്രംപിന്റെ ഇന്ത്യാസന്ദര്‍ശന തീരുമാനത്തില്‍ അങ്ങേയറ്റം സന്തോഷിക്കുന്നതായി പ്രധാനമന്ത്രി നരേന്ദ്ര മോദി പറഞ്ഞു. രണ്ടു ദിവസത്തെ സന്ദര്‍ശനത്തിനായി ഡൊണാള്‍ഡ് ട്രംപും ഭാര്യ മെലാനിയ ട്രംപും ഈ മാസം 24നാണ് ഇന്ത്യയിലെത്തുക. വിശിഷ്ടാതിഥികള്‍ക്ക് ഇന്ത്യ അവിസ്മരണീയ സ്വീകരണമൊരുക്കുമെന്നും പ്രധാനമന്ത്രി മോദി പറഞ്ഞു

വളരെ സവിശേഷമായ സന്ദര്‍ശനമായിരിക്കും യുഎസ് പ്രസിഡന്റിന്റേത്. ഇന്ത്യയുഎസ് സൗഹൃദം ഈ സന്ദര്‍ശനത്തിലൂടെ കൂടുതല്‍ ഊട്ടിഉറപ്പിക്കും. ജനാധിപത്യത്തോടും ബഹുസ്വരതയോടും പൊതുവായ പ്രതിബദ്ധത പുലര്‍ത്തുന്നവരാണ് ഇന്ത്യയും യുഎസും. വിശാലമായ വിവിധ വിഷയങ്ങളില്‍ ഇരു രാഷ്ട്രങ്ങളും തമ്മില്‍ പരസ്പരം സഹകരിച്ച് വരുന്നുണ്ട്. ഇരു രാഷ്ട്രങ്ങളും തമ്മിലുള്ള ശക്തമായ സൗഹൃദം നമ്മുടെ പൗരന്‍മാരില്‍ മാത്രമല്ല ലോകമെമ്പാടും വ്യാപിക്കുന്നുണ്ടെന്നും മോദി വ്യക്തമാക്കി.

ട്രംപിന്റെ ആദ്യ ഇന്ത്യന്‍ സന്ദര്‍ശനമാണിത്. ഡല്‍ഹിക്കു പുറമേ ഗുജറാത്തും അദ്ദേഹം സന്ദര്‍ശിക്കുന്നുണ്ട്. രണ്ടു മാസമായി ട്രംപിന്റെ ഇന്ത്യാസന്ദര്‍ശനത്തെക്കുറിച്ച് അഭ്യൂഹങ്ങളുണ്ടായിരുന്നു. എന്നാല്‍, ചൊവ്വാഴ്ച രാവിലെ പുറത്തിറക്കിയ പത്രക്കുറിപ്പിലാണ് വിദേശകാര്യമന്ത്രാലയം സന്ദര്‍ശനം സ്ഥിരീകരിച്ചത്. പ്രധാനമന്ത്രി നരേന്ദ്രമോദിയുടെ ക്ഷണപ്രകാരമാണ് സന്ദര്‍ശനം. മോദിയും ട്രംപും തമ്മില്‍ കഴിഞ്ഞയാഴ്ച നടത്തിയ ടെലിഫോണ്‍ സംഭാഷണത്തിലാണ് സന്ദര്‍ശനം ഉറപ്പിച്ചതെന്ന് വൈറ്റ് ഹൗസും പത്രക്കുറിപ്പില്‍ അറിയിച്ചു.