ഹാളിലിരുത്തിയ ഒന്നര വയസുള്ള കുഞ്ഞിനെ വീടിന് അകത്ത് കയറി തോളിലിട്ട് ഇറങ്ങി ഓടി; പുറകെ ഓടി പർദ്ദയിൽ മുത്തശ്ശി പിടിച്ചുവലിച്ചതോടെ കാറിന്റെ ബോണറ്റിലേക്ക്‌ കുട്ടിയെ വലിച്ചെറിഞ്ഞ് നാടോടി സ്ത്രീ ഓടി രക്ഷപെട്ടു: സംഭവം നാട്ടുകാർ അറിഞ്ഞതോടെ കിട്ടിയത് എട്ടിന്റെ പണി
തൊടുപുഴയില്‍ കുളിപ്പിച്ച്‌ ഹാളിലിരുത്തിയ ഒന്നര വയസുള്ള കുഞ്ഞിനെ വീടിന് അകത്ത് കയറി തട്ടിക്കൊണ്ട് പോകാന്‍ ശ്രമിച്ച നാടോടി സ്ത്രീയെ പിടികൂടി. പ്രവാസിയായ ഇടവെട്ടി വലിയജാരം നീലിയാനിയ്ക്കല്‍ മുജീബിന്റെ മകളെയാണ് കഴിഞ്ഞ ദിവസം ഉച്ചയോടെ പര്‍ദ ധരിച്ച്‌ എത്തിയ സ്ത്രീ തട്ടിക്കൊണ്ട് പോകാന്‍ ശ്രമിച്ചത്. കുളിപ്പിച്ചിരുത്തിയ ശേഷം മുത്തശ്ശി മുറിക്കുള്ളിലേക്ക് പോയ തക്കം നോക്കി
കുട്ടിയെ തോളില്‍ ഇട്ട് പോകാന്‍ ശ്രമിക്കുകയായിരുന്നു. പിന്നാലെ ഓടിയ മുത്തശ്ശി സ്ത്രീയുടെ പര്‍ദ്ദയില്‍ പിടിച്ച്‌ വലിക്കുകയും ബഹളം വയ്ക്കുകയും ചെയ്തു. ഇതോടെ രക്ഷപെടാന്‍ വേണ്ടി കുട്ടിയെ മുറ്റത്ത് കിടന്ന കാറിന്റെ ബോണറ്റിലേക്ക്‌ വലിച്ചെറിയുകയായിരുന്നു. പര്‍ദയില്‍ നിന്ന് പിടി വിട്ട് കുട്ടിയെ എടുക്കുന്നതിനിടെ നാടോടി സ്ത്രീ കടന്നുകളയുകയായിരുന്നു. സംഭവം അറിഞ്ഞ് നാട്ടുകാർ നടത്തിയ തിരച്ചിലിലാണ് മാര്‍ത്തോമ ഭാഗത്തെ ഒരു വീട്ടില്‍ കയറി ഭിക്ഷാടനം നടത്തുന്നതിനിടെ ഇവര്‍ പിടിയിലായത്. മുഖത്തും ഇടതു ചെവിക്കും പരിക്കേറ്റ കുട്ടിയെ കാരിക്കോട് ജില്ലാ ആശുപത്രിയില് എത്തിച്ച്‌ ചികിത്സ നല്‍കി. കുട്ടിയുടെ അമ്മ എറണാകുളത്തെ സ്വകാര്യ ഐ.ടി കമ്പനിയിലെ ജീവനക്കാരിയാണ്.
https://www.facebook.com/Malayalivartha
