കറന്‍സി നോട്ടുകള്‍ കീറിയെറിയുന്നതായി പ്രചരിച്ച ദൃശ്യങ്ങളെ കുറിച്ച് പോലീസ് അന്വേഷണം തുടങ്ങി
കൊട്ടിയം ഉമയനല്ലൂരില്‍ ഒരാള്‍ കറന്‍സി നോട്ടുകള്‍ കീറിയെറിയുന്നതായുള്ള ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ച സംഭവത്തില്‍ പോലീസ് അന്വേഷണം തുടങ്ങി.
മധ്യവയസ്‌കനായ ഒരു വ്യക്തി താന്‍ കടം കൊടുത്ത പണം തിരികെ കിട്ടിയപ്പോള്‍ അത് വാങ്ങി നോട്ടുകള്‍ കീറിഎറിയുന്നതായാണ് വീഡിയോയിയുള്ളത്. കഴിഞ്ഞ ദിവസങ്ങളില്‍ വാട്‌സാപ്പിലും ഫെയ്‌സ് ബുക്കിലും ഈ ദൃശ്യങ്ങള്‍ പ്രചരിച്ചിരുന്നു. സംഭവത്തെക്കുറിച്ച് വിശദമായി അന്വേഷിച്ചു റിപ്പോര്‍ട്ട് സമര്‍പ്പിക്കാന്‍ കൊട്ടിയം സിഐയ്ക്ക് നിര്‍ദ്ദേശവും വന്നിട്ടുണ്ട്.
പ്രസ്തുത വീഡിയോ പ്രചരിച്ചതിനെത്തുടര്‍ന്ന് ഇതില്‍ പ്രതിഷേധിച്ച് നിരവധി പേര്‍ രംഗത്ത് വരികയും സോഷ്യല്‍ മീഡിയയില്‍ സംഭവം വലിയ പ്രതിഷേധത്തിന് ഇടയാക്കുകയും ചെയ്തു .
സുഹൃത്തിനു കടമായി നല്‍കിയ പണം തിരികെ ലഭിച്ചപ്പോള്‍ അത് വലിച്ചു കീറുന്നതാണ് ദൃശ്യങ്ങളിലുളളത്. നോട്ടുകള്‍ കീറുന്നതിന്റെ ദൃശ്യങ്ങള്‍ അയാളുടെ ഭാര്യതന്നെയാണ് പകര്‍ത്തിയത്. ദൃശ്യങ്ങള്‍ ചര്‍ച്ചയാകുകയും പ്രതിഷേധം ഉയരുകയും ചെയ്തു.
സംഭവത്തിന്റെ ഗൗരവം മനസിലാക്കിയ വ്യക്തി താന്‍ കീറിയെറിഞ്ഞതു നോട്ടല്ലെന്നും കുട്ടികള്‍ക്കു കടയില്‍ നിന്നും കളിക്കാനായി ലഭിക്കുന്ന നോട്ടുകള്‍ക്ക് സമാനമായ പേപ്പറാണെന്നുമുള്ള വിശദീകരണവുമായി സോഷ്യല്‍ മീഡിയയില്‍ വീഡിയോ ഇടുകയും ചെയ്തു .
രണ്ട് വീഡിയോകളും സോഷ്യല്‍ മീഡിയയില്‍ വൈറലായി. നോട്ടു കീറിയ ആളെ നിയമത്തിന്റെ മുന്നില്‍ കൊണ്ടുവരണമെന്ന ആവശ്യവും ശക്തമാണ്.
https://www.facebook.com/Malayalivartha
