ആഷിഖ് അബുവിന് അഞ്ചു രൂപ മണിയോഡര്‍ അയച്ചു കൊണ്ട് പൂഞ്ഞാര്‍ ചെറു പുലി ഷോണ്‍ ജോര്‍ജ് തുടക്കം കുറിച്ചു ; പകരം ചോദിക്കാന്‍ കേരള കോണ്‍ഗ്രസുകാര്‍ക്ക് കൈവന്ന കനകാവസരം
സിനിമാതാരങ്ങളും ഗായകരും അടങ്ങിയ കൊച്ചി മ്യൂസിക് ഫൗണ്ടേഷന്‍ സംഘടിപ്പിച്ച കരുണ സംഗീത പരിപാടിയെക്കുറിച്ചുളള വിവാദങ്ങള്‍ കൊഴുക്കുന്നു. സംഭവത്തിൽ സംവിധായകൻ ആഷിഖ് അബുവും സംഘവും പ്രതിരോധനത്തിലായിരിക്കുകയാണ്. ഈ അവസരത്തിൽ ബാര്‍ കോഴ വിവാദം കത്തി നിന്ന കാലത്ത് കേരള കോണ്‍ഗ്രസ് നേതാവും മുന്‍ ധന മന്ത്രിയുമായ കെ എം മാണിക്ക് 500രൂപ മണിയോഡര്‍ അയച്ച്‌ പരിഹസിച്ച ആഷിഖ് അബുവിനോട് പകരം ചോദിക്കാന്‍ കേരള കോണ്‍ഗ്രസുകാര്‍ക്ക് ഇതാ സുവര്‍ണാവസരമൊരുങ്ങിയിരിക്കുന്നു എന്ന് എ രാഷ്ട്രീയനിരീക്ഷകന്‍ അഡ്വ എ ജയശങ്കര്‍. ആഷിഖ് അബുവിന് അഞ്ചു രൂപ മണിയോഡര്‍ അയച്ചു കൊണ്ട് പൂഞ്ഞാര്‍ ചെറു പുലി ഷോണ്‍ ജോര്‍ജ് തുടക്കം കുറിച്ചു കഴിഞ്ഞുവെന്നും അദ്ദേഹം ഫേസ്ബുക്ക് പോസ്റ്റില്‍ പറയുന്നു.
അഡ്വ.എ ജയശങ്കറിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:
ബാര്‍ കോഴ വിവാദം കത്തി നിന്ന കാലത്ത്, സിനിമാ സംവിധായകന്‍ ആഷിഖ് അബു മഹാനായ മാണി സാറിന് 500രൂപ മണിയോഡര്‍ അയച്ചു പരിഹസിച്ചു എന്നാണ് ചരിത്രം. തുടര്‍ന്ന് ഇന്നാട്ടിലെ നിരവധി എസ്എഫ്ഐ, ഡിഫി പ്രവര്‍ത്തകര്‍ അഞ്ചും പത്തും രൂപ മണിയോഡര്‍ അയച്ചു മാണിസാറിനെ നാറ്റിച്ചു.
ഇപ്പോഴിതാ, 'കരുണ' സംഗീത നിശയുമായി ബന്ധപ്പെട്ട് അതേ ആഷിഖ് അബു നാറിപ്പുളിച്ചു നില്‍ക്കുന്നു. പകരം ചോദിക്കാന്‍ കേരള കോണ്‍ഗ്രസുകാര്‍ക്ക് കൈവന്ന കനകാവസരം. ആഷിഖ് അബുവിന് അഞ്ചു രൂപ മണിയോഡര്‍ അയച്ചു കൊണ്ട് പൂഞ്ഞാര്‍ ചെറു പുലി ഷോണ്‍ ജോര്‍ജ് തുടക്കം കുറിച്ചു കഴിഞ്ഞു. ഇനി ഓരോ മലയോര കര്‍ഷകനും യഥാശക്തി ആഷിഖ് കുടുംബ സഹായ നിധിയിലേക്ക് സംഭാവന ചെയ്യും. ഒരു രൂപയില്‍ കുറഞ്ഞ തുക മണിയോഡര്‍ അയക്കാന്‍ കഴിയില്ല എന്നതിലേയുളളൂ നമുക്ക് സങ്കടം.
https://www.facebook.com/Malayalivartha
