പെഗ് അടിച്ച ശേഷം ഭിത്തിയില് ക്ഷമാപണ കുറിപ്പെഴുതി കള്ളന്മാർ; ബൈബിളിലെ ഏഴാമത്തെ കല്പന ഞാന് ലംഘിച്ചു: പട്ടാളക്കാരന്റെ വീടാണെന്ന് അറിഞ്ഞിരുന്നെങ്കില് പൂട്ടു പൊളിച്ച് അകത്തു കയറില്ലായിരുന്നു: ഓഫിസര് ക്ഷമിക്കണം- മോഷ്ടാക്കളുടെ ഉള്ളിൽ രാജ്യസ്നേഹം നിറച്ച് സൈനിക തൊപ്പി
മോഷ്ടാക്കളുടെ ഉള്ളിൽ രാജ്യസ്നേഹം നിറച്ച് സൈനിക തൊപ്പി. അഞ്ചോളം കടകളില് മോഷണം നടത്തിയിട്ടും കയ്യിൽ ഒന്നും കിട്ടാതെ വന്നതോടെ സമീപത്തെ വീട്ടിൽ വാതിൽ പൊളിച്ച് കയറിയ മോഷ്ടാക്കൾ സാധനങ്ങളെല്ലാം വാരി വലിച്ചിട്ട് തിരയുന്നതിനിടെയാണ് ആണിയില് തൂക്കിയിട്ടിരിക്കുന്ന സൈനിക തൊപ്പി കണ്ടത്. മോഷണത്തിനിറങ്ങിയവരുടെ മനസില് രാജ്യസ്നേഹത്തിന്റെ വികാരമുണരുകയും, രാജ്യം കാക്കുന്ന സൈനികന്റെ വീട്ടില് മോഷണം നടത്തിയതില് മനസ്താപമുണ്ടാവുകയും ചെയ്തു. തിരുവാങ്കുളം പാലത്തിങ്കല് ഐസക് മാണിയുടെ വീട്ടിലാണ് കഴിഞ്ഞ ദിവസം രാത്രി മോഷണശ്രമമുണ്ടായത്. മുന് സൈനികനായ ഇദ്ദേഹം വിദേശത്താണിപ്പോള്.
ഇതിനിടയില് പട്ടാളക്കാരന് കിട്ടിയ ക്വാട്ടയില് കണ്ണുടുക്കിയ മോഷ്ടാവ് ഒരു പെഗ് അടിച്ചശേഷം ഭിത്തിയില് ക്ഷമാപണ കുറിപ്പുമെഴുതി സ്ഥലം കാലിയാക്കി. ബൈബിളിലെ ഏഴാമത്തെ കല്പന ഞാന് ലംഘിച്ചു. ഒരു പട്ടാളക്കാരന്റെ വീടാണെന്ന് അറിയില്ലായിരുന്നു. അവസാന നിമിഷമാണ് മനസിലായത്, തൊപ്പി കണ്ടപ്പോള്. ഓഫിസര് ക്ഷമിക്കണം. പട്ടാളക്കാരന്റെ വീടാണെന്ന് അറിഞ്ഞിരുന്നെങ്കില് പൂട്ടു പൊളിച്ച് അകത്തു കയറില്ലായിരുന്നു.' ഇങ്ങനെ പോകുന്നു മോഷ്ടാവിന്റെ ക്ഷമാപണം. അഞ്ചോളം വ്യാപാര സ്ഥാപനങ്ങളില് മോഷണം നടത്തിയ സംഘം തെളിവുകള് നശിപ്പിക്കവൻ ബോധപൂർവം ശ്രമം നടത്തിയിരുന്നു. രാജ്യസ്നേഹത്തിന് ഇളവൊന്നും നല്കാതെ അന്വേഷണം പോലീസ് ആരംഭിച്ചിട്ടുണ്ട്.
https://www.facebook.com/Malayalivartha
