ഇന്നു മുതല്‍ നടത്താനിരുന്ന സ്വകാര്യബസ് സമരം മാറ്റിവെച്ചതായി ബസ്സുടമ സംയുക്ത സമരസമിതി അറിയിച്ചു. സമരത്തില്‍നിന്ന് പിന്മാറണമെന്ന് മന്ത്രി എ.കെ. ശശീന്ദ്രന്‍ അഭ്യര്‍ഥിച്ചതിനെത്തുടര്‍ന്നാണിത്. സമരസമിതി ഉന്നയിച്ച വിവിധ ആവശ്യങ്ങള്‍ സര്‍ക്കാര്‍ പരിഗണിക്കുകയാണെന്ന് മന്ത്രി പറഞ്ഞു.
ചാര്‍ജ് വര്‍ധിപ്പിക്കണമെന്നാണ് ബസ്സുടമകളുടെ പ്രധാന ആവശ്യം. ഇതില്‍ ജസ്റ്റിസ് രാമചന്ദ്രന്‍ കമ്മിറ്റി വിവിധ വിഭാഗങ്ങളുടെ ഭാഗം കേട്ടുവരികയാണ്. കൊറോണ ഭീഷണി നേരിടുന്ന സമയത്ത് സര്‍ക്കാര്‍ നടപടികളുമായി ബസ്സുടമകള്‍ സഹകരിക്കണമെന്ന് മന്ത്രി പറഞ്ഞു.