ബിഗ് ബോസ് സീസണ്‍ രണ്ടില്‍ നിന്ന് പുറത്തായ രജിത് കുമാറിന് കൊച്ചി വിമാനത്താവളത്തിൽ സ്വീകരണം നല്‍കിയ സംഭവത്തില്‍ വിശദീകരണവുമായി ഷിയാസ് കരീം രംഗത്ത് . കൊറോണാ പ്രശ്നം നില്‍ക്കുമ്പോള്‍ താൻ വിളിച്ചിട്ട് വന്നതല്ല അവിടെയുണ്ടായിരുന്ന ആളുകള്‍. കൊറോണയുമായി ബന്ധപ്പെട്ട പ്രശ്നങ്ങള്‍ നിലനില്‍ക്കുമ്പോള്‍ താൻ അങ്ങനെ ചെയ്യില്ലെന്നും രജിത് കുമാർ ആവശ്യപ്പെട്ട പ്രകാരം അദ്ദേഹത്തെ കൂട്ടിക്കൊണ്ട് പോരാനാണ് തൻ എത്തിയതെന്നുമാണ് ഷിയാസ് വെളിപ്പെടുത്തിയത്.

കൊറോണ ഭീതിയുടെ പശ്ചാത്തലത്തില്‍ താൻ വിളിച്ചുവരുത്തിയതാണ് ആളുകളെ എന്ന തരത്തില്‍ പോസ്റ്റുകള്‍ ഇടുന്നത് എന്തിനാണെന്നും, കാര്യമറിയാതെ ഇത്തരം പ്രചാരണങ്ങള്‍ നടത്തരുതെന്നു ഷിയാസ് കൂട്ടിച്ചേർത്തു സ്വീകരണവുമായി ബന്ധപ്പെട്ട് ഷിയാസടക്കമുള്ള എഴുപതോളം പേര്‍ക്കെതിരെ കേസെടുത്തതായി ജില്ലാ കളക്ടര്‍ നേരത്തെ അറിയിച്ചിരുന്നു. രജിത്ത് കുമാറിനെ സ്വീകരിക്കാം സീസൺ രണ്ടിലെ മത്സരാർത്ഥിയായിരുന്ന പരീക്കുട്ടിയും വിമാനത്താവളത്തിൽ എത്തിയിരുന്നു. തിരികെയെത്തിയ രജിത്ത് കുമാറിനെ സ്വീകരിക്കാൻ ആയിരങ്ങളായിരുന്നു വിമാനത്താവളത്തിൽ എത്തിച്ചേർന്നത്. ഷിയാസ് കരീം ഫേസ്‌ബുക്കിൽ പങ്കുവെച്ച വീഡിയോയിലാണ് ഇക്കാര്യങ്ങൾ വെളിപ്പെടുത്തിയത്.