ബിഗ്‌ബോസ് മത്സരാർത്ഥി ഡോക്ടര്‍ രജിത് കുമാര്‍ പോലീസ് കസ്റ്റഡിയില്‍. സംസ്ഥാന സര്‍ക്കാരിന്റെ വിലക്കുകള്‍ ലംഘിച്ച്‌ വലിയ ആള്‍കൂട്ടത്തെ നെടുമ്ബാശ്ശേരി എയര്‍പോര്‍ട്ടില്‍ കൊണ്ടു വന്നുവെന്ന പേരിലാണ് ഡോക്ടര്‍ രജിത് കുമാര്‍ പോലീസ് കസ്റ്റഡിയില്‍ എടുത്തത്. ബിഗ് ബോസ് മത്സരാര്‍ത്ഥിയായ ഇദ്ദേഹത്തെ അറസ്റ്റ് ചെയ്യുമെന്നും കഴിഞ്ഞ ദിവസം മന്ത്രി പ്രഖ്യാപനം നടത്തിയിരുന്നു. പോലീസ് അദ്ദേഹത്തിന്റെ തിരുവനന്തപുരത്തെ ആറ്റിങ്ങലിലെ വസതിയില്‍ എത്തുകയും അദ്ദേഹത്തെ കസ്റ്റഡിയിലെടുക്കുകയും ചെയ്യുകയായിരുന്നു.

എന്നാല്‍ അറസ്റ്റ് രേഖപ്പെടുത്തിയിട്ടില്ല. വീട്ടിലെത്തിയ പോലീസിനോട് അദ്ദേഹം കാര്യങ്ങള്‍ സംസാരിക്കുകയും സ്റ്റേഷനില്‍ നേരിട്ട് എത്തി കീഴടങ്ങാം എന്നുള്ള സന്നദ്ധത അറിയിക്കുകയും ചെയ്തു. പോലീസ് കേസ് രജിസ്റ്റര്‍ ചെയ്തതിന് പിന്നാലെ അദ്ദേഹം ഒളിവില്‍ പോകുകയും ചെയ്തു. മന്ത്രി വി എസ് സുനില്‍കുമാര്‍ ഇന്നലെ ഈ കാര്യം ശരി വച്ചതോ ടെ വലിയ അഭ്യൂഹങ്ങള്‍ പരന്നിരുന്നു. ഇതിനെ തുടര്‍ന്ന് അന്വേഷിച്ച്‌ പോലീസ് അദ്ദേഹത്തെ ആറ്റിങ്ങലിലെ സ്വകാര്യ വസതിയില്‍ നിന്നും കണ്ടെത്തുകയും ചെയ്തിരുന്നു. അദ്ദേഹത്തിന്റെ വീടിന്റെ നിയന്ത്രണം പോലീസ് പൂര്‍ണ്ണമായും ഏറ്റെടുത്തു . സന്ദര്‍ശകരില്‍ വിലക്കേര്‍പ്പെടുത്തി . കൊറോണ രോഗത്തെ തുടര്‍ന്നായിരുന്നു ഈ നടപടികൾ സ്വീകരിച്ചത്. എയര്‍പോര്‍ട്ട് വഴി വന്നപ്പോൾ തന്നെ രജിത്കുമാര്‍ നിരീക്ഷണത്തില്‍ ആകാനുള്ള സാധ്യത പറഞ്ഞിരുന്നു . പോലീസിന്റെ തുടര്‍ നടപടികള്‍ എന്തെല്ലാമാണെന്ന് അറിയില്ല. രെജിത് കുമാറിനെ എയര്‍പോര്‍ട്ടില്‍ കാണാന്‍ തടിച്ചുകൂടിയ അവരില്‍ പതിമൂന്നോളം പേരെ ഇതിനോടകം പോലീസ് അറസ്റ്റ് ചെയ്യുകയും ചെയ്തു.