കോവിഡ് 19 സ്ഥിരീകരിക്കപ്പെട്ട ചാലക്കര സ്വദേശിനിയുടെ ആരോഗ്യനില ഭേദപ്പെട്ടു. പുതുച്ചേരി ആരോഗ്യവകുപ്പ് ഈ കാര്യം അറിയിച്ചു. മാഹി ജനറൽ ആശുപത്രിയിലെ ഐസലേഷൻ വാർഡിലായിരുന്നു ഇദ്ദേഹം ചികിത്സയിൽ കഴിഞ്ഞത്. ഇവരുമായി അടുത്ത് ഇടപഴകിയ മകന്റെ ഭാര്യയും ഇവിടെ ഐസലോഷൻ വാർഡിൽ നിരീക്ഷണത്തിലാണ് . ഇവരുടെ സ്രവം പരിശോധനയ്ക്കായി കോഴിക്കോട് മെഡിക്കൽ കോളജിലേക്ക് അയക്കുകയും സി ചെയ്‌തു .

ഉംറ കഴിഞ്ഞെത്തിയ 69കാരിയെ സ്വീകരിക്കാനായി കരിപ്പൂർ വിമാനത്താവളത്തിൽ ബന്ധുക്കൾക്കൊപ്പം പോയ മകന്റെ ഭാര്യാപിതാവ്, ടാക്സി ഡ്രൈവർ, തലശ്ശേരിയിൽ നിന്നു വീട്ടിലേക്കു കൊണ്ടുപോയ ഓട്ടോറിക്ഷാ ഡ്രൈവർ, ഉംറ സംഘത്തിലുണ്ടായിരുന്നവർ എന്നിവർ ഉൾപ്പെടെ കണ്ണൂർ ജില്ലയിലെ 9 പേരോടു വീടുകളിൽ ഐസലോഷനിൽ കഴിയാൻ കേരള ആരോഗ്യവകുപ്പ് നിർദേശിക്കുകയും ചെയ്തു . കോവിഡ് 19 സ്ഥിരീകരിച്ച സ്ത്രീയുമായി സമ്പർക്കം പുലർത്തിയവർ വിദേശ രാജ്യങ്ങളിൽ നിന്ന് അടുത്ത ദിവസങ്ങളിൽ നാട്ടിൽ എത്തിയവർ അടക്കം മാഹിയിലെ 142 പേരോടു വീടുകളിൽ നിരീക്ഷണത്തിൽ കഴിയാൻ പുതുച്ചേരി ആരോഗ്യവകുപ്പ് നിർദേശിച്ചു. ഇവരിൽ മാഹി ജനറൽ ആശുപത്രിയിലെ രണ്ടു ഡോക്ടർമാരും 2 ജീവനക്കാരും ഉൾപ്പെടുന്നുണ്ട് .