മലപ്പുറം നഗരസഭ പരിധിയിലെ മദ്യശാലകൾ ഈ മാസം 31 വരെ അടച്ചിടാൻ നഗരസഭ കൗൺസിലിന്റെ തീരുമാനം. മദ്യശാലകൾ അടക്കാനുള്ള നോട്ടീസ് നൽകാൻ നഗരസഭാ സെക്രട്ടറിയെ ചുമതലപ്പെടുത്തിയതായി മലപ്പുറം നഗരസഭ ചെയർപേഴ്സൺ സി എച്ച് ജമീല പറഞ്ഞു.

കോവിഡ് 19 ന്റെ മുൻകരുതലിന്റെ ഭാഗമായാണ് മലപ്പുറം നഗരസഭാ പരിധിയിലെ ബിവറേജസ് കോർപ്പറേഷൻ്റെയും, കൺസ്യൂമർ ഫെഡിൻ്റെയും മദ്യശാലകൾ അടച്ചിടാൻ മലപ്പുറം നഗരസഭ കൗൺസിലിന്റെ തീരുമാനം. കൗൺസിൽ അംഗങ്ങളുടെ നിർദേശത്ത തുടർന്നാണ് ഇങ്ങനെ ഒരു തീരുമാനം. പ്രതിപക്ഷത്തിൻ്റെ വിയോജിപ്പോടെയാണ് നടപടികൾക്ക് കൗൺസിലിന്റെ അംഗീകാരം
നൽകിയത്.

സർക്കാറിൻറെ നിർദേശങ്ങളെ തള്ളിപ്പറയുകയല്ല മറിച്ച് മാച്ച് 31 വരെ പള്ളികളും വിദ്യാലയങ്ങളും പൊതുജനം കുടി നിൽക്കുന്നത് എല്ലാം നിരോധിച്ചിട്ടുണ്ട് അതിൻറെ ഭാഗമായാണ് മാർച്ച് 31 വരെ മദ്യശാലകൾ അടക്കാനുള്ള തീരുമാനം. സർക്കാറിൻറെ അനുമതിയില്ലാതെ മദ്യശാലകൾ അടക്കാൻ നഗരസഭക്ക് അനുമതി ഇല്ലെങ്കിലും ഇത്തരം ആരോഗ്യ പ്രശ്നങ്ങൾ ഉണ്ടാകുന്ന സമയത്ത് നഗരസഭ ആക്ട് പ്രകാരം മദ്യശാലകൾ അടക്കുന്നതിന് പ്രശ്നമില്ലെന്നും നഗരസഭാ ചെയർപേഴ്സൺ സിഎച്ച് ജമീല പറഞ്ഞു.