കേരളം അടക്കമുള്ള വിവിധ സംസ്ഥാനങ്ങളിലെ മൊബൈല്‍ ഫോണ്‍ ഉപഭോക്താക്കളുടെ കാള്‍ ഡേറ്റ റെക്കോഡ് കേന്ദ്രസര്‍ക്കാര്‍ ആവശ്യപ്പെട്ട സംഭവത്തില്‍ പ്രതിഷേധം ശക്തമാകുന്നു. ടെലികോം സേവന ദാതാക്കളില്‍ നിന്നും വിശദാംശം ശേഖരിക്കാന്‍ എസ്.പിക്കോ അതിനു മുകളിലോ ഉള്ള ഓഫിസര്‍ക്കു മാത്രമായോ അധികാരം പരിമിതപ്പെടുത്തുന്ന പുതിയ ചട്ടം 2013ല്‍ കൊണ്ടുവന്നിരുന്നു. എന്നാല്‍ ടെലികോം വകുപ്പു നിര്‍ദേശം ഈ ചട്ടങ്ങള്‍ക്കു വിരുദ്ധമാണെന്ന് ചൂണ്ടിക്കാട്ട്ിയാണ് പ്രതിഷേധം.

കേരളത്തിനു പുറമെ ഡല്‍ഹി, മധ്യപ്രദേശ്, ജമ്മു-കശമീര്‍, ആന്ധ്രപ്രദേശ്, ഹരിയാന, പഞ്ചാബ തുടങ്ങിയ സംസ്ഥാനങ്ങളില്‍ നിന്നാണ് കഴിഞ്ഞ ഏതാനും മാസങ്ങളിലെ നിശ്ചിത ദിവസങ്ങളില്‍ നടത്തിയ ഫോണ്‍ വിളിയുടെ വിവരം കേന്ദ്രസര്‍ക്കാര്‍ ആവശ്യപ്പെട്ടത്. ടെലികോം വകുപ്പിന്റെ പ്രാദേശിക യൂനിറ്റു മുഖേനയാണ ഇതുസംബന്ധിച്ച നിര്‍ദേശം ഓപറേറ്റര്‍മാര്‍ക്ക് അയച്ചത്. മാസങ്ങളായി ഇതു നടക്കുന്നുണ്ടെങ്കിലും ജനുവരി, ഫെബ്രുവരി മാസങ്ങളിലാണ കാള്‍ ഡേറ്റ രേഖ വന്‍തോതില്‍ ആവശ്യപ്പെടാന്‍ തുടങ്ങിയതെന്ന് ഒരു ടെലികോം കമ്പനിയുടെ മുതിര്‍ന്ന ഉദ്യോഗസ്ഥന്‍ വെളിപ്പെടുത്തി.

53 ദശലക്ഷം ഫോണ്‍ വരിക്കാരുള്ള ഡല്‍ഹി സര്‍ക്കിളില്‍ ഫെബ്രുവരി രണ്ടു മുതല്‍ നാലു വരെയുള്ള കാള്‍ ഡേറ്റ റെക്കോഡാണ് ചോദിച്ചത്. പൗരത്വഭേദഗതി നിയമത്തിനെതിരായ പ്രക്ഷോഭം നടക്കുന്ന സമയം കൂടിയാണത്. ഡല്‍ഹി നിയമസഭാ തെരഞ്ഞെടുപ്പു പ്രചാരണം സമാപിച്ചത ഫെബ്രുവരി ആറിനായിരുന്നു. ഫെബ്രുവരി 12ന് ടെലികോം സെക്രട്ടറി അന്‍ഷു പ്രകാശിന് സെല്ലുലാര്‍ ഓപറേറ്റേഴസ അസോസിയേഷന്‍ ഓഫ ഇന്ത്യ വിവരം തേടലിനെക്കുറിച്ച പരാതി നല്‍കിയിരുന്നു.

അതിനിടെ, കേന്ദ്രസര്‍ക്കാര്‍ നീക്കത്തിനെതിരെ കോണ്‍ഗ്രസിലെ മനീഷ തിവാരി, ബെന്നി ബഹനാന്‍, മണിക്കം ടാഗോര്‍ എന്നിവര്‍ ലോകസഭയില്‍ അടിയന്തര പ്രമേയ നോട്ടീസ നല്‍കിയിരുന്നു്. എന്നാല്‍, സപീക്കര്‍ പ്രതിപക്ഷം നല്‍കിയ അടിയന്തര പ്രമേയ നോട്ടീസ തള്ളി.

അതേസമയം, മൊബൈല്‍ വരിക്കാരന്റെ പേര്, നിശ്ചിത കാലയളവില്‍ നടത്തിയ ഫോണ്‍ വിളി, സമയദൈര്‍ഘ്യം, ഫോണ്‍ വിളി അസാധാരണമായി അവസാനിച്ചുവോ തുടങ്ങിയ വിശദാംശങ്ങള്‍, സംഭാഷണം നടത്തിയവര്‍ ഉണ്ടായിരുന്ന സ്ഥലത്തിന്റെ ലൊക്കേഷന്‍ തുടങ്ങിയ വിവരങ്ങള്‍ അടങ്ങുന്നതാണ കാള്‍ ഡേറ്റ റെക്കോഡ്. ഇത് ഒരു വര്‍ഷം വരെ മൊബൈല്‍ കമ്പനികള്‍ സൂക്ഷിക്കണമെന്നാണ ചട്ടം. അന്വേഷണ ഏജന്‍സികളോ കോടതികളോ ആവശ്യപ്പെട്ടാല്‍ നല്‍കാന്‍ ടെലികോം ഓപ്പറേറ്റര്‍മാര്‍ ബാധ്യസ്ഥരാണ്.