പതിനേഴുകാരന്‍ ബൈക്കില്‍ ട്രിപ്പിളടിച്ചതിന് മാതാവിനെതിരെ കേസ്
ബൈക്കില്‍ മറ്റ് രണ്ടുപേരുമായി സഞ്ചരിച്ച പതിനേഴുകാരന്റെ മാതാവിനെതിരെ 3 വര്‍ഷം തടവും 25,000 രൂപ പിഴയും ലഭിക്കാവുന്ന കുറ്റം ചുമത്തി
കേസെടുത്തു. ഇന്നലെ ഉച്ചയ്ക്ക് ജനതപ്പടിയിലാണ് എസ്‌ഐ എം.ശശികുമാര്‍ മൂന്നുപേരുമായി എത്തിയ ബൈക്ക് തടഞ്ഞത്. മൂവരും ഹെല്‍മറ്റ് ധരിച്ചിരുന്നില്ല.
ബാങ്കില്‍ ഭവന വായ്പ അടയ്ക്കാന്‍ മാതാവ് ബൈക്കുമായി പറഞ്ഞു വിട്ടതാണെന്നു മയ്യം താനി സ്വദേശിയായ കൗമാരക്കാരന്‍ പറഞ്ഞു. വഴിക്കുവച്ചു സുഹൃത്തുക്കളെയും കയറ്റിയതാണ്. മാതാവിനെ വിളിച്ചുവരുത്തിയ ശേഷമാണ് മകനെ വിട്ടയച്ചത്.
മകന് ബൈക്ക് നല്‍കിയ മാതാവിനെതിരെ കേസെടുത്തത് കൂടാതെ 25 വയസ്സുവരെ ഡ്രൈവിങ് ലൈസന്‍സ് നല്‍കരുതെന്ന് പൊലീസ് ശുപാര്‍ശയും ചെയ്തു. പിതാവിന്റെ പേരിലുള്ള വാഹനത്തിന്റെ. റജിസ്‌ട്രേഷന്‍ ഒരു വര്‍ഷത്തേക്കു റദ്ദു ചെയ്യാന്‍ നിര്‍ദ്ദേശം നല്‍കി.
ബൈക്ക് കോടതിയില്‍ ഹാജരാക്കി. കുട്ടികളെ ബൈക്കോടിക്കാന്‍ അനുവദിച്ചതിന് ഒരാഴ്ചയ്ക്കിടെ രണ്ടാം തവണയാണ് അമ്മമാര്‍ക്കെതിരെ നിലമ്പൂര്‍ പൊലീസ് കേസെടുക്കുന്നത്.
https://www.facebook.com/Malayalivartha
