പ്രവാസികള്‍ക്കായി പുനരധിവാസ പാക്കേജ് ഉടന്‍ പ്രഖ്യാപിക്കണമെന്ന് കേന്ദ്രസര്‍ക്കാരിനോട് ആവശ്യപ്പെട്ട് മുഖ്യമന്ത്രി
പ്രവാസികള്‍ക്കായി പുനരധിവാസ പാക്കേജ് ഉടന്‍ പ്രഖ്യാപിക്കണമെന്ന് കേന്ദ്രസര്‍ക്കാരിനോട് ആവശ്യപ്പെട്ട് മുഖ്യമന്ത്രി. മടങ്ങിയെത്തുന്നവരുടെ നൈപുണ്യം പ്രയോജനപ്പെടുത്താന്‍ പദ്ധതികള്‍ക്ക് രൂപം നല്‍കണം. ലോക്ക്ഡൗണ്‍ കാരണം തൊഴില്‍ നഷ്ടപ്പെട്ടവര്‍, ചെറിയ വരുമാനക്കാര്‍, ലേബര്‍ക്യാമ്പുകളില്‍ കഴിയുന്നവര്‍, ജയില്‍ശിക്ഷ കഴിഞ്ഞവര്‍, പാര്‍ട്ട്ടൈം വരുമാനം നിലച്ച വിദ്യാര്‍ഥികള്‍ എന്നിവരുടെ വിമാനയാത്രാക്കൂലി കേന്ദ്രസര്‍ക്കാര്‍ വഹിക്കണമെന്ന് അഭ്യര്‍ത്ഥിച്ചതായും മുഖ്യമന്ത്രി പിണറായി വിജയന്‍ പറഞ്ഞു.നാട്ടിലേക്ക് വരാന്‍ ആഗ്രഹിക്കുന്ന 2.02 ലക്ഷത്തോളം പ്രവാസികള്‍ ഇതുവരെ രജിസ്റ്റര്‍ ചെയ്തു.
ഹ്രസ്വ സന്ദര്‍ശനത്തിന് പോയവര്‍, ജീവിതാവശ്യങ്ങള്‍ നിറവേറ്റാന്‍ നിവൃത്തിയില്ലാത്തവര്‍, ചികിത്സാ സഹായം ആവശ്യമുള്ളവര്‍ എന്നിവര്‍ക്ക് തിരികെയെത്താന്‍ ആദ്യപരിഗണന നല്‍കണമെന്നും പ്രധാനമന്ത്രിയുമായുള്ള വീഡിയോ കോണ്‍ഫറന്‍സില്‍ സംസ്ഥാനം ആവശ്യപ്പെട്ടു.
https://www.facebook.com/Malayalivartha
