ഡല്‍ഹി സര്‍ക്കാരിന് പിന്നാലെ ലോക്ക്ഡൗണ്‍ നഷ്ടം മദ്യത്തില്‍ നിന്ന് പിടിക്കാന്‍ തീരുമാനിച്ച് ആന്ധ്ര സര്‍ക്കാര്‍ തീരുമാനിച്ച സാഹചര്യത്തില്‍ കേരളത്തിലും മദ്യത്തിന് വില കൂട്ടിയാലെന്തെന്ന ചിന്ത സര്‍ക്കാരിനുണ്ട്. ഡല്‍ഹി , ആന്ധ്ര സര്‍ക്കാരുകളുടെ നടപടി പരിശോധിക്കാന്‍ സര്‍ക്കാര്‍ നികുതി വകുപ്പ് സെക്രട്ടറിയെ ചുമതലപ്പെടുത്തി. അദ്ദേഹത്തിന്റെ റിപ്പോര്‍ട്ടും മന്ത്രിസഭായോഗം പരിഗണിക്കും. ധന, എക്‌സൈസ് മന്ത്രിമാരുമായി മന്ത്രിസഭായോഗത്തില്‍ നടക്കുന്ന ചര്‍ച്ചകളെ തുടര്‍ന്ന് തീരുമാനമെടുക്കും.

മദ്യത്തിന്റെ വിലയില്‍ 75 ശതമാനം വര്‍ധനവാണ് ജഗന്‍മോഹന്‍ റെഡ്ഡി സര്‍ക്കാര്‍ വരുത്തിയത്.ആദ്യം 25 ശതമാനം വിലവര്‍ധനവ് വരുത്തിയിരുന്നു.ഇന്നലെ മദ്യശാലകള്‍ തുറന്നപ്പോള്‍ തന്നെ വന്‍തിരക്കാണ് അനുഭവപ്പെട്ടത്. തിരക്കൊഴിവാക്കാന്‍ 50 ശതമാനം കൂടി വര്‍ധിപ്പിക്കുന്നുവെന്നാണ് സര്‍ക്കാരിന്റെ ഭാഷ്യം.75 ശതമാനം വര്‍ധനവ് ഇന്ന് ഉച്ചമുതല്‍ പ്രബാല്യത്തില്‍ വരും. എന്നാല്‍ മദ്യത്തോടുള്ള ആര്‍ത്തി ഉപയോഗിച്ച് സര്‍ക്കാരിന്റെ കീശ വീര്‍പ്പിക്കാമെന്ന് മുഖ്യമന്ത്രി കരുതി ഡല്‍ഹി സര്‍ക്കാരിന്റെ വഴിയാണ് ആന്ധ്ര സര്‍ക്കാരും പിന്തുടര്‍ന്നത്.

രാവിലെ 11 മുതല്‍ വൈകീട്ട് ഏഴ് മണിവരെയാണ് ആന്ധ്രയില്‍ മദ്യഷാപ്പുകള്‍ തുറക്കുന്നതിനുള്ള അനുമതി.ഡല്‍ഹി സര്‍ക്കാര്‍ ഇന്നുമുതല്‍ മദ്യത്തിന് 70 ശതമാനം തുക കൊറോണഫീ ആയി ഈടാക്കാന്‍ തീരുമിച്ചിരുന്നു.

ആദ്യം മദ്യഷാപ്പുകള്‍ തുറക്കേണ്ടതില്ലെന്ന് കേരള സര്‍ക്കാര്‍ തീരുമാനിച്ചത് വ്യക്തമായ ലക്ഷ്യത്തോടെയായിരുന്നു. കേന്ദ്രസര്‍ക്കാരിന്റെ അനുമതി കിട്ടിയിട്ടും കേരളം കാത്തിരുന്നത് പൊതുജന വികാരം മനസിലാക്കാനാണ്. കേരളത്തിലെ ജനജീവിതം സാധാരണ ഗതിയിലാവാനും കേരളം ലക്ഷ്യമിട്ടു. അതിനാണ് വിപുലമായ ഇളവുകള്‍ സംസ്ഥാനം നല്‍കിയത്. ഇളവുകള്‍ കൂടുതല്‍ ലഭിച്ചതോടെ കേരളം പഴയപടിയായി. ഇനി മദ്യഷാപ്പുകള്‍ തുറന്നാലും ജനവികാരം എതിരാവില്ല. ബീവറേജസ് കോര്‍പ്പറേഷന്‍ മാത്രം തുറക്കുന്നതിനെ ബാര്‍ ഉടമകള്‍ എതിര്‍ത്തു. അങ്ങനെയാണ് ബാറും ബവ്‌കോയും ഒരുമിച്ച് തുറക്കാമെന്ന് സര്‍ക്കാര്‍ തീരുമാനിച്ചത് . അതാണ് സംഭവിക്കാന്‍ പോകുന്നത്.