എസ്എസ്എല്‍സി, ഹയര്‍ സെക്കണ്ടറി പരീക്ഷകള്‍ നടത്താന്‍ ആലോചന; പ്ലസ് വണ്‍ പരീക്ഷ മാറ്റിച്ചേക്കും; രണ്ടുപേരെ മാത്രം ഇരുത്തിയാകും പരീക്ഷയെഴുതിക്കുക
എസ്എസ്എല്‍സി, ഹയര്‍ സെക്കണ്ടറി പരീക്ഷകള്‍ നടത്തും ലോക്ക് ഡൗണ്‍ അവസാനിച്ചതിന് ശേഷം. ഒരാഴ്ചത്തെ ഇടവേളയിലാണ് പരീക്ഷ നടത്താന്‍ തീരുമാനിച്ചിരിക്കുന്നത്. പ്ലസ് വണ്‍ പരീക്ഷ മാറ്റിവെക്കും. ബുധനാഴ്ച വിദ്യാഭ്യാസമന്ത്രി സി. രവീന്ദ്രനാഥ് മുഖ്യമന്ത്രിയുമായി ഇക്കാര്യം ചര്‍ച്ചചെയ്തു തീരുമാനിക്കും. അടുപ്പിച്ചുള്ള ദിവസങ്ങളിലായിരിക്കും പരീക്ഷകള്‍. പ്ലസ് ടു പരീക്ഷ രാവിലെയും എസ്.എസ്.എല്‍.സി. പരീക്ഷ ഉച്ചകഴിഞ്ഞുമായിരിക്കും. ഒരു ബെഞ്ചില്‍ രണ്ടുപേരെ മാത്രം ഇരുത്തി പരീക്ഷയെഴുതിക്കും. പൊതുഗതാഗതം ആരംഭിച്ചതിന് ശേഷം മതിയോ പരീക്ഷ എന്ന വിഷശയത്തില്‍ തീരുമാനമായിട്ടില്ല. അതിന് മുമ്പാണെങ്കില്‍ കുട്ടികളെ സമയത്ത് സ്‌കൂളിലെത്തിക്കാന്‍ ബദല്‍ മാര്‍ഗം ഒരുക്കേണ്ടി വരും.
പരീക്ഷകള്‍ പൂര്‍ത്തിയായാല്‍ വേഗത്തില്‍ തന്നെ മൂല്യനിര്‍ണയം ആരംഭിക്കും. മൂല്യനിര്‍ണയം എങ്ങനെ വേണമെന്നത് സംബന്ധിച്ച് ആലോചനകള്‍ നടക്കുന്നുണ്ട്. പരീക്ഷകളുടെ ഉത്തരക്കടലാസ് അധ്യാപകരുടെ വീടുകളിലെത്തിച്ച് മൂല്യനിര്‍ണയം നടത്തുകയെന്നതാണ് ഒരു നിര്‍ദേശം. ക്യാംപുകളുടെ എണ്ണം പരമാവധി കൂട്ടി പഴയ രീതിയില്‍ മൂല്യനിര്‍ണയം നടത്തുക എന്നതാണ് രണ്ടാമത്തെ നിര്‍ദ്ദേശം.
അതേസമയം ലക്ഷദ്വീപില്‍ ഉള്‍പ്പെടെ പരീക്ഷ നടത്തേണ്ടതുണ്ട്. അവിടെ പരീക്ഷാ നടത്തിപ്പിന് അനുകൂലമായ സാഹചര്യമുണ്ടോ എന്നുകൂടി പരിശോധിക്കേണ്ടതുണ്ട് . സംസ്ഥാനം ഏതു സമയവും പരീക്ഷ നടത്താന്‍ സന്നദ്ധമാണ്. അവിടങ്ങളില്‍ സംസ്ഥാനത്തെ അധ്യാപകരെത്തിയാണ് പരീക്ഷ നടത്തിയിരുന്നത്. ലക്ഷദ്വീപിലും പരീക്ഷ നടത്തേണ്ടതുണ്ട്. അവിടെ കൊവിഡ് ഭീഷണിയില്ല. അതിനാല്‍ സാഹചര്യങ്ങള്‍ അനുകൂലമാണ്. വിദേശ രാജ്യങ്ങളിലെ അനുമതി കൂടി കിട്ടിയാല്‍ മാത്രമേ പരീക്ഷാ നടത്തിപ്പില്‍ അന്തിമ തീരുമാനമെടുക്കാനാകു.
ലോക്ക് ഡൗണ്‍ പിന്‍വലിച്ച് ഒരാഴ്ചയ്ക്ക് ശേഷമേ പരീക്ഷ നടത്താന്‍ കഴിയൂ എന്ന നിലപാടിലാണ് അദ്ധ്യാപക സംഘടനകള്‍. പരീക്ഷാ നടത്തിപ്പിന് നാലുദിവസം മാത്രം മതിയാകും. ആദ്യവര്‍ഷ ഹയര്‍സെക്കന്‍ഡറി പരീക്ഷകള്‍ ജൂണ്‍, ജുലൈ മാസങ്ങളില്‍ നടത്തിയാല്‍ മതിയെന്ന നിര്‍ദ്ദേശം അധ്യാപക സംഘടനകള്‍ മുന്നോട്ടു വച്ചിട്ടുണ്ട്. വിഎച്ച്എസ്ഇ, ടിടിസി പരീക്ഷകളും മുടങ്ങിയ കൂട്ടത്തിലുണ്ട്. എസ്എസ്എല്‍സിയോടൊപ്പമാണ് ടിടിസി പരീക്ഷകള്‍ നടത്തിയിരുന്നത്. ഇത് എന്ന് നടത്തണമെന്ന് തീരുമാനിച്ചിട്ടില്ല. ഒമ്പതാം ക്ലാസ് വരെ മുടങ്ങിയ പരീക്ഷകള്‍ നടത്തേണ്ട എന്ന് സര്‍ക്കാര്‍ നേരത്തെ തീരുമാനിച്ചിരുന്നു. അവശേഷിക്കുന്ന വിഷയങ്ങളില്‍ മുന്‍ പരീക്ഷകളിലെ മാര്‍ക്കിന്റെ അടിസ്ഥാനത്തില്‍ വിദ്യാര്‍ത്ഥികളെ വിജയിപ്പിക്കാനാണ് നിര്‍ദ്ദേശം.
https://www.facebook.com/Malayalivartha
