കൊറോണ വ്യാപനത്തെ തുടർന്ന് എല്ലാവരും ഇപ്പോൾ ഏറ്റവും അത്യാവശ്യമായ മാസ്ക് സാനിറ്റൈസർ എന്നിവയിലേക്ക് എത്തിപ്പെട്ടിരിക്കുകയാണ്. വിപണിയിൽ ഫാഷനെ മുൻനിർത്തി ഒത്തിരിയേറെ മാസ്കുകൾ സജ്ജീവമാകുകയാണ്. അത്തരത്തിൽ വിപണി കീഴടക്കുകയാണ് കോറോണക്കലത്തെ മാസ്കുകൾ. എന്നാലിതാ കേരളവും മാസ്കുകളിൽ വ്യത്യസ്തത പുലർത്താൻ രംഗത്തേക്ക് എത്തിയിരിക്കുകയാണ്.

നമ്മുടെ കേരളത്തിൽ കൊവിഡ് 19 വ്യാപിച്ചതോടെയാണ് സാധാരണക്കാര്‍ പോലും മാസ്‌ക് ഉപയോഗിച്ച് തുടങ്ങിയിരിക്കുന്നത്. അങ്ങനെ നമ്മുടെ കേരളമുള്‍പ്പെടെ പലയിടങ്ങളിലും പുറത്തിറങ്ങുന്നവര്‍ക്ക് മാസ്‌ക് നിര്‍ബന്ധമാണ് എന്ന വാർത്തയും നാം അറിഞ്ഞതാണ്. അത്തരം ഒരു സാഹചര്യത്തിൽ മാസ്ക് ഉപയോഗിക്കാത്തവർക്കെത്തിരെ കർശന ജാഗ്രതയാണ് പുലർത്തിപ്പോരുന്നത്. പലയിടത്തും ഏറ്റവും അധികം ക്ഷാമം വന്നിട്ടുള്ളതും മാസ്‌കുകള്‍ക്കാണ് എന്നതും ഈ കാലത്ത് നാം കാണുന്നുണ്ട്. ഇതേതുടർന്ന് വീട്ടില്‍ ഇരുന്ന് മാസ്‌കുകള്‍ നിര്‍മ്മിക്കുകയാണ് ഇന്ന് പലരും ചെയ്യുന്നത്.

അതേസമയം മാസ്‌കുകള്‍ ഇന്ന് നമ്മുടെയെല്ലാം ദൈനംദിന ജീവിതത്തിന്‍റെ ഭാഗമായി മാറുകയും ചെയ്തിരിക്കുകയാണ്. എന്തിന് പുത്തന്‍ സ്റ്റൈലുകളിലുള്ള മാസ്‌കുകള്‍ വരെ ഫാഷന്‍ ലോകത്ത് ചര്‍ച്ചയാകുകയാണിപ്പോൾ.

എന്നാൽ അതിനിടെ വരാനിരിക്കുന്ന ഓണത്തിന് ധരിക്കാവുന്ന കസവ് മാസ്കുകളുടെ നിര്‍മ്മാണവും കേരളത്തില്‍ ആരംഭിച്ചു കഴിഞ്ഞു. ഓണത്തിനു വേണ്ടി ഒരുക്കിയ കസവുള്ള മാസ്കിന്‍റെ ചിത്രം ശശി തരൂർ എംപി തന്‍റെ ട്വിറ്ററില്‍ പങ്കുവച്ചതോടെ ഏറെ ശ്രദ്ധേയമായിരിക്കുകയാണ്. മുൻകൂട്ടി പദ്ധതി തയാറാക്കുന്ന മലയാളി എന്നാണ് ചിത്രം ട്വീറ്റ് ചെയ്ത് ശശി തരൂർ കുറിച്ചത് തന്നെ.