സുരക്ഷിത നിലയിൽ തുടർന്ന് വയനാട് ജില്ല ഇപ്പോൾ കൂടുതൽ നിയന്ത്രണങ്ങളിലേക്ക് എത്തിയിരിക്കുകയാണ് വയനാട് ജില്ലാ ഭരണകൂടം. രോഗികളുടെ എണ്ണം കൂടിയതിനെ തുടർന്നാണ് ജാഗ്രത കർശനമാക്കിയിരിക്കുകന്നത്. രോഗ ബാധിതരുള്ള മാനന്തവാടി മേഖലയിൽ ഇതിനോടകം തന്നെ പോലീസ് പരിശോധന കർശനമാക്കിയിട്ടുണ്ട്.

അതോടൊപ്പം തന്നെ മുത്തങ്ങ അതിർത്തിയിലൂടെ അന്യസംസ്ഥാനങ്ങളിൽ കുടുങ്ങിയവരെ തിരിച്ചെത്തിക്കുന്നത് തുടർന്നുകൊണ്ടിരിക്കുകയാണ്. ഇന്ന് ഇതുവരെ 86 പേർ നാട്ടിലേക്ക് മുത്തങ്ങ അതിർത്തി വഴി വന്നതയാണ് ലഭ്യമാകുന്ന വിവരം. ഇതോടെ ആകെ 935 പേർ മറ്റു സംസ്ഥാനങ്ങളിൽ നിന്നും മുത്തങ്ങ വഴി നാട്ടിലേക്കെത്തിയിട്ടുണ്ട് എന്ന് കണക്കുകൾ വ്യക്തമാക്കുകയും ചെയ്യുകയുണ്ടായി.

അതേസമയം ചെന്നൈയിൽ വൈറസ് വ്യാപനത്തിൻ്റെ പ്രധാന ഉറവിടമായി മാറിയ കോയമ്പേട് മാർക്കറ്റിൽ പോയി തിരിച്ചെത്തിയ വയനാട്ടിലെ കൂടുതൽ ലോറി ഡ്രൈവർമാരുടെ പരിശോധനാ ഫലം ഇന്ന് ലഭിക്കുമെന്നാണ് പ്രതീക്ഷ കൽപ്പിക്കുന്നത്. ഇതേതുടർന്ന് രോഗികളുടെ റൂട്ട്മാപ്പ് ഇന്ന് തന്നെ പുറത്തിറക്കും.