ലോക് ഡൗൺ തുടങ്ങിയതോടെ ആകെ പെട്ടുപോയത് കുടിയന്മാരാണ്. ഇപ്പോൾ തുറക്കും ഇപ്പോൾ തുറക്കും എന്ന് കാത്തിരുന്ന കുടിയന്മാരുടെ വയറ്റത്തടിക്കുന്ന നിലപാടാണ് ഈ കൊറോണ കാലത്ത് സർക്കാർ സ്വീകരിച്ചത്. ചുരുക്കം ചില സംസ്ഥാനങ്ങൾ മദ്യശാലകൾ തുറക്കാൻ തീരുമാനിച്ചപ്പോളും കേരളത്തിലെ കുടിയൻമാർ മഴകാത്തുകഴിയുന്ന വേഴാമ്പലുകൾ പോലെ കാത്തിരിക്കുകയായിരുന്നു.

എന്നാലിപ്പോൾ കേരളത്തിലെ മദ്യപർക്ക് സന്തോഷത്തിന് വക നൽകുന്ന റിപോർട്ടാണ് പുറത്തുവരുന്നത്. കേരളത്തില്‍ മദ്യവില്‍പ്പന ഓണ്‍ലൈനിലൂടെയാകാമെന്നാണ് പൊലീസിന്റെ റിപ്പോര്‍ട്ട്. സംസ്ഥാന പൊലീസ് മേധാവി ലോക്‌നാഥ് ബഹ്‌റ റിപ്പോര്‍ട്ട് സര്‍ക്കാരിന് കൈമാറി. തിരക്ക് നിയന്ത്രിക്കുന്നതിനും സുരക്ഷ ഒരുക്കുന്നതിനും ആവശ്യമായ സംവിധാനങ്ങള്‍ ഒരുക്കാമെന്ന് റിപ്പോര്‍ട്ടില്‍ പറയുന്നു. കേരളത്തില്‍ മദ്യശാലകള്‍ തുറക്കുന്നതുമായി ബന്ധപ്പെട്ട് മുഖ്യമന്ത്രി പിണറായി വിജയന്‍ പൊലീസിനോട് റിപ്പോര്‍ട്ട് തേടിയിരുന്നു. ഒരേ സമയം എത്ര പേര്‍ ക്യൂവിലുണ്ടാകണം, ശാരീരിക അകലം എങ്ങനെ പാലിക്കണം തുടങ്ങിയ കാര്യങ്ങളിലാണ് റിപ്പോര്‍ട്ട് നല്‍കാന്‍ ആവശ്യപ്പെട്ടത്.

മറ്റ് സംസ്ഥാനങ്ങളില്‍ മദ്യശാലകള്‍ തുറന്നപ്പോള്‍ വലിയ തിരക്കും ക്രമസമാധാന പ്രശ്‌നങ്ങളും ഉണ്ടായ സാഹചര്യത്തിലാണ് റിപ്പോര്‍ട്ട് തേടിയത്. പൊലീസ് റിപ്പോര്‍ട്ടിന്റെ അടിസ്ഥാനത്തില്‍ ബെവ്‌കോയും കണ്‍സ്യൂമര്‍ഫെഡും തയ്യാറെടുപ്പുകള്‍ നടത്തുമെന്നാണ് റിപ്പോര്‍ട്ട്. അതേസമയം വാര്‍ത്താ സമ്മേളനത്തിലടക്കം മദ്യവില്‍പ്പന ശാലകള്‍ കേരളത്തില്‍ ഉടന്‍ തുറക്കില്ലെന്ന നിലപാടായിരുന്നു മുഖ്യമന്ത്രി സ്വീകരിച്ചത്. ലോക്ക്ഡൗണിന് ശേഷം മദ്യശാലകള്‍ തുറന്നാല്‍ മതിയെന്നാണ് സിപിഎം നിലപാട്.

അതേസമയം തമിഴ്നാട്ടിലെ മദ്യശാലകൾ പൂട്ടാൻ ഹൈക്കോടതി ഉത്തരവ് വന്നിരിക്കുകയാണ്. ലോക്ഡൗൺ നീക്കുന്നതുവരെ മദ്യശാലകൾ തുറക്കരുതെന്നാണ് മദ്രാസ് ഹൈക്കോടതി ഉത്തരവ്. എന്നാൽ ഓൺലൈൻ വിൽപനയും ഹോം ഡെലിവറിയും അനുവദിക്കും. പ്രത്യേക ഡിവിഷൻ ബെഞ്ചിന്റേതാണ് വിധി. മേയ് ഏഴിനാണ് മദ്യശാലകൾ തുറക്കാമെന്ന് അറിയിച്ച് സർക്കാർ ഉത്തരവു പുറപ്പെടുവിച്ചത്.

രാ​വി​ലെ 10 നും ​വൈ​കു​ന്നേ​രം അ​ഞ്ചി​നും ഇ​ട​യി​ലാ​കും മ​ദ്യ​ശാ​ല​ക​ള്‍ പ്ര​വ​ര്‍​ത്തി​ക്കു​ക. സാ​മൂ​ഹി​ക അ​ക​ലം പാ​ലി​ക്ക​ല്‍ മാ​ന​ദ​ണ്ഡ​ങ്ങ​ള്‍ ക​ര്‍​ശ​ന​മാ​യും ന​ട​പ്പാ​ക്കു​മെ​ന്നും ജ​ന​ക്കൂ​ട്ട​ത്തെ നി​യ​ന്ത്രി​ക്കു​ന്ന​തി​ന് ഓ​രോ ഷോ​പ്പി​ലേ​ക്കും അ​ധി​ക സ്റ്റാ​ഫു​ക​ളെ നി​യോ​ഗി​ക്കു​മെ​ന്നും ഉ​ത്ത​ര​വി​ല്‍ പ​റ​യു​ന്നു.

എ​ന്നാ​ല്‍ ഇ​തി​നെ​തി​രെ അ​ഭി​ഭാ​ഷ​ക​രു​ള്‍​പ്പെ​ടെ ഏ​താ​നും പേ​ര്‍ ഹൈ​ക്കോ​ട​തി​യെ സ​മീ​പി​ച്ചു. എ​ന്നാ​ല്‍ ഉ​ത്ത​ര​വ് സ്റ്റേ ​ചെ​യ്യാ​ന്‍ കോ​ട​തി ത​യാ​റാ​യി​ല്ല. സാ​മൂ​ഹി​ക അ​ക​ലം പാ​ലി​ക്ക​ല്‍ മാ​ന​ദ​ണ്ഡ​ങ്ങ​ള്‍ ക​ര്‍​ശ​ന​മാ​യി ന​ട​പ്പാ​ക്ക​ണ​മെ​ന്ന് നി​ര്‍​ദേ​ശി​ച്ച കോ​ട​തി ഒ​രാ​ള്‍​ക്ക് ഒ​രു കു​പ്പി മ​ദ്യം എ​ന്ന നി​ല​യി​ല്‍ റേ​ഷ​നിം​ഗ് സ​മ്ബ്ര​ദാ​യം ന​ട​പ്പാ​ക്ക​ണ​മെ​ന്ന് ഉ​ത്ത​ര​വി​ട്ടു. ഈ ​നി​ര്‍​ദേ​ശ​ങ്ങ​ള്‍ ലം​ഘി​ക്ക​പ്പെ​ട്ട​താ​യി ചൂ​ണ്ടി​ക്കാ​ട്ടി​യാ​ണ് ഹ​ര്‍​ജി​ക്കാ​ര്‍ കോ​ട​തി​യെ വീ​ണ്ടും സ​മീ​പി​ച്ച​ത്. എന്നാൽ കോടതി പറഞ്ഞ മാനദണ്ഡങ്ങൾ ലംഘിച്ചതിനാലാണ് പൂട്ടാൻ ഉത്തരവ് ഇടുന്നതെന്നും ഹൈക്കോടതി അറിയിച്ചു. ലോക്ഡൗണ്‍ കാലയളവില്‍ മദ്യം വീട്ടിലെത്തിക്കുന്നത് പരിഗണിക്കാവുന്നതാണെന്നു സംസ്ഥാന സര്‍ക്കാരുകളോടു സുപ്രീം കോടതി അറിയിച്ചിരുന്നു. മദ്യശാലകള്‍ക്കു മുന്നിലെ തിക്കും തിരക്കും ഒഴിവാക്കാനും സാമൂഹിക അകലം പാലിക്കല്‍ നടപ്പാക്കാനും ഇക്കാര്യം പരിഗണിക്കാവുന്നതാണെന്ന് ജസ്റ്റിസുമാരായ അശോക് ഭൂഷണ്‍, സഞ്ജയ് കൗള്‍, ബി.ആര്‍. ഗവായ് എന്നിവരടങ്ങുന്ന ബെഞ്ച് വ്യക്തമാക്കിയത്.