ജില്ലാ ഫാര്‍മേഴ്‌സ് വെല്‍ഫയര്‍ കോഓപ്പറേറ്റീവ് ബാങ്ക് പ്രസിഡന്റ് പ്രമോദ് കോട്ടപ്പള്ളി ലോക്ഡൗണിനു 10 ദിവസം മുന്‍പ് ബഹ്‌റൈനില്‍ എത്തിയതാണ്. 

രണ്ടാഴ്ചത്തേക്കായിരുന്നു യാത്ര. പക്ഷേ രണ്ടു മാസം കഴിഞ്ഞ് ഇന്നലെയാണ് തിരിച്ചെത്തിയത്. ലോക്ക് ഡൗണില്‍ കുടുങ്ങിപ്പോയതാണ്.

ഒന്നു രണ്ടു ദിവസം ഹോട്ടലില്‍ താമസിച്ച ശേഷം പിന്നീടു സുഹൃത്തിന്റെ വീട്ടിലേക്കു മാറി. കഴിഞ്ഞ നവംബറില്‍ രണ്ട് ആന്‍ജിയോപ്ലാസ്റ്റി കഴിഞ്ഞതാണെന്നും ഹൃദ്രോഗത്തിനുള്ള മരുന്നും രണ്ടാഴ്ചത്തേക്കുള്ളതേ കരുതിയിരുന്നുള്ളൂവെന്നും പ്രമോദ് പറഞ്ഞു.

പ്രതിപക്ഷ നേതാവ് രമേശ് ചെന്നിത്തലയുടെ ഓഫിസുമായി ബന്ധപ്പെട്ടതിനെ തുടര്‍ന്ന് ഐഒസി(ഇന്ത്യന്‍ ഓവര്‍സീസ് കോണ്‍ഗ്രസ്) പ്രവര്‍ത്തകര്‍ മരുന്ന് എത്തിക്കുകയായിരുന്നു.

ഇതിനൊപ്പം ബഹ്‌റൈന്‍ കേരള സോഷ്യല്‍ ഫോറം രക്ഷാധികാരി ബഷീര്‍, പ്രവീണ്‍ കുമാര്‍ തുടങ്ങിയവരും മരുന്ന് എത്തിച്ചു. കെഎംസിസിയുടെ സന്നദ്ധപ്രവര്‍ത്തനവും എടുത്തുപറയണമെന്ന് പ്രമോദ് കോട്ടപ്പള്ളി പറഞ്ഞു.