കണ്ണൂർ ജില്ല ആശുപത്രിയിലെ വാര്‍ഡില്‍ രഹസ്യമായി കയറി പറ്റി! കോവിഡ് 19 രോഗം ചികിത്സിച്ച്‌ മാറ്റാന്‍ തന്റെ കയ്യില്‍ മരുന്നുണ്ടെന്ന് അവകാശപ്പെട്ട് രണ്ട് മണിക്കൂറില്‍ അധികം വാർഡിൽ ചെലവഴിച്ചു! 60 കാരനായ കണ്ണൂര്‍ പൊടിക്കുണ്ട് സ്വദേശി പി ദിവാകരൻ ഒടുവില്‍ ക്വാറന്റീന്‍ കഴിഞ്ഞ് പുറത്തിറങ്ങി
കോവിഡ് 19 രോഗം ചികിത്സിച്ച്‌ മാറ്റാന്‍ തന്റെ കയ്യില്‍ മരുന്നുണ്ടെന്ന് അവകാശപ്പെടാന്‍ വാര്‍ഡില്‍ രഹസ്യമായി കയറി രോഗികള്‍ക്കൊപ്പം രണ്ട് മണിക്കൂറില്‍ അധികം ചിലവഴിച്ചയാള്‍ ഒടുവില്‍ ക്വാറന്റീന്‍ കഴിഞ്ഞ് പുറത്തിറങ്ങി.
കണ്ണൂര്‍ പൊടിക്കുണ്ട് സ്വദേശിയും റെയ്കി, സുജോക്കി ചികിത്സ നടത്തുന്നയാളുമായ പി ദിവാകരനാണ് ജില്ല ആശുപത്രിയിലെ വാര്‍ഡില്‍ രഹസ്യമായി കയറിയത്. കഴിഞ്ഞ ഏപ്രില്‍ 15ന് ആയിരുന്നു സംഭവം ഉണ്ടായത്.
ഇയാളെ പിന്നീട് ആശുപത്രി അധികൃതരുടെ നിര്‍ദേശ പ്രകാരം സിറ്റി പോലീസ് എത്തി അറസ്റ്റ് ചെയ്തു. മജിസ്‌ട്രേറ്റിന്റെ വീട്ടില്‍ എത്തിച്ചു. ജാമ്യം ലഭിച്ച ശേഷം 15 ദിവസം വീട്ടില്‍ നിരീക്ഷണത്തില്‍ കഴിയാന്‍ നിര്‍ദേശം നല്‍കി. പൊടിക്കുണ്ടിന് സമീപം ദിവാന്‍ റെമഡീസ് എന്ന പേരില്‍ വീട്ടില്‍ ക്ലിനിക് നടത്തുകയാണ് ഇദ്ദേഹം.
കോവിഡിന് താന്‍ നടത്തുന്ന സുജോക്കി എന്ന കൊറിയന്‍ ചികിത്സാരീതിയില്‍ പരിഹാരമുണ്ടെന്നുകാണിച്ച്‌ മുഖ്യമന്ത്രി, ആരോഗ്യമന്ത്രി, കളക്ടര്‍, ഗവ. മെഡിക്കല്‍ കോളേജ് എന്നിവിടങ്ങളിലേക്ക് മെയില്‍ ചെയ്തു.
തന്റെ പ്രതിരോധസൂചി ചികിത്സയിലൂടെ രോഗം വരില്ലെന്ന് തെളിയിക്കാന്‍ കോവിഡ് രോഗികള്‍ക്കൊപ്പം കഴിയാന്‍ അനുവദിക്കണമെന്നും ആവശ്യപ്പെട്ടു. മറുപടി ലഭിക്കാതിരുന്നതിനെത്തുടര്‍ന്നാണ് കോവിഡ് രോഗികളുമായി രഹസ്യമായി ഇടപഴകാന്‍ തീരുമാനിച്ചത്.
ജില്ലാ ആശുപത്രിയില്‍ പോകാന്‍ ആംബുലന്‍സ് വരുത്തി അതില്‍ യാത്ര ചെയ്യുകയായിരുന്നു. ചികിത്സയുടെ ഭാഗമായി കൈയില്‍ ചെറിയ സൂചികള്‍ തറപ്പിച്ചിരുന്നുവെന്നും ദിവാകരന്‍ പറഞ്ഞു.
https://www.facebook.com/Malayalivartha
