നിരീക്ഷണത്തില്‍ നിന്ന് മുങ്ങിയ ദമ്പതികളെ ഗൂഗിള്‍ മാപ്പ് ഉപയോഗിച്ചു ആര്‍ഡിഒ തിരഞ്ഞുപിടിച്ചു!
ബാംഗ്ലൂരില്‍ നിന്നെത്തി കൊല്ലം നഗരത്തിലെ സ്വകാര്യ ഹോട്ടലില്‍ നിരീക്ഷണത്തില്‍ കഴിയവേ മുങ്ങിയ യ ദമ്പതികളെ് ആര്‍ഡിഒ എം.എ.റഹിം ഗൂഗിള്‍ മാപ്പ് ഉപയോഗിച്ചു തിരഞ്ഞുപിടിച്ചു.
പുലര്‍ച്ചെ ഹോട്ടലില്‍ എത്തിയ ശേഷം അല്‍പ്പം കഴിഞ്ഞ് ആരുമറിയാതെ ബന്ധുവീട്ടിലേക്കു മുങ്ങുകയായിരുന്നു. നിരീക്ഷണ കേന്ദ്രത്തിലെ സൗകര്യങ്ങള്‍ വിലയിരുത്താന്‍ ആര്‍ഡിഒ രാവിലെ എത്തിയപ്പോഴാണ് ഇവര്‍ ഹോട്ടലില്‍ ഇല്ലെന്ന് അറിഞ്ഞത്.
ഹോട്ടല്‍ ജീവനക്കാരനോടു ബന്ധു മരിച്ചെന്ന് പറഞ്ഞിരുന്നതായി അറിഞ്ഞു. തിരിച്ചറിയല്‍ രേഖകള്‍ പരിശോധിച്ചപ്പോള്‍ കിട്ടിയ ആധാറില്‍ നിന്ന് ഇവരുടെ ഏകദേശ ലൊക്കേഷന്‍ മനസിലാക്കി. കൂടുതല്‍ കൃത്യത വരുത്താന്‍ ഗൂഗുള്‍ മാപ്പിന്റെ സഹായത്തോടെ മരണവീട്ടില്‍ ഇവരെ കണ്ടെത്തുകയായിരുന്നു.
രേഖയിലെ ഫോട്ടോ വച്ച് ഇവരെ തിരിച്ചറിഞ്ഞതോടെ എസിപി എ.പ്രദീപ് കുമാറിനെ വിവരം അറിയിച്ചു. ഉടന്‍ പൊലീസും ആരോഗ്യപ്രവര്‍ത്തകരും സ്ഥലത്തെത്തി ഇവരെ കണ്ടെത്തി നിരീക്ഷണ കേന്ദ്രത്തിലാക്കി. ഇവര്‍ക്കെതിരെ ദുരന്തനിവാരണ വകുപ്പ് പ്രകാരം കേസും എടുത്തിട്ടുണ്ട്.
https://www.facebook.com/Malayalivartha
