ഇടുക്കി കൊറോണ മുക്തം. ഇടുക്കി ജില്ലയില്‍ കൊറോണ ബാധിച്ച്‌ ചികിത്സയിലുണ്ടായിരുന്ന അവസാന രോ​ഗിയും ആശുപത്രി വിട്ടു. രോഗം ബാധിച്ച ആശാ പ്രവര്‍ത്തകയാണ് രോ​ഗ മുക്തി നേടിയത്. ഇവരുടെ മൂന്നാമത്തെ പരിശോധനാഫലവും നെഗറ്റീവായതോടെയാണ് ആശുപത്രി വിട്ടത്. ഇതോടെ ജില്ല പൂര്‍ണമായി രോ​ഗമുക്തി നേടി.

എന്നാല്‍ അന്യസംസ്ഥാനങ്ങളില്‍ നിന്നും വിദേശത്തുനിന്നും കൂടുതല്‍ പേര്‍ എത്തുന്നത് കൊറോണ ബാധിതരുടെ എണ്ണം വര്‍ധിക്കാന്‍ സാധ്യതയുണ്ട്. ഇന്ന് രണ്ടു പേര്‍ക്കാണ് കൊറോണ സ്ഥിരീകരിച്ചത്. ഒരാള്‍ കോഴിക്കോട്ടും മറ്റൊരാള്‍ കൊച്ചിയിലും ചികില്‍സയിലാണ്. വന്ദേഭാരത് മിഷന്റെ ഭാഗമായി വ്യാഴാഴ്ച വിദേശത്തുനിന്നെത്തിയവര്‍ക്കാണ് രോഗം സ്ഥിരികരിച്ചത്. 505 പേര്‍ക്ക് ഇതേവരെ രോഗം സ്ഥിരീകരിച്ചത്. 17പേര്‍ ഇപ്പോള്‍ ചികില്‍സയിലുണ്ട്.