മൂന്നു കോര്‍പ്പറേഷനുകളിലെ പ്രധാന റോഡുകള്‍ അടച്ചിടും; ലോക്ക്ഡൗണ്‍ നിര്‍ദ്ദേശങ്ങള്‍ പുറത്തിറക്കി
ഞായറാഴ്ച ദിവസങ്ങളില്‍ നടപ്പാക്കുന്ന സമ്ബൂ‍ര്‍ണ ലോക്ക് ഡൗണിന്റെ മാ‍ര്‍ഗനി‍ര്‍ദേശങ്ങള്‍ പുറത്തിറക്കി. തിരുവനന്തപുരം, കൊച്ചി, കോഴിക്കോട് കോര്‍പറേഷന്‍ പരിധികളിലെ പ്രധാന റോഡുകളെല്ലാം രാവിലെ 5 മുതല്‍ 10 മണി വരെ അടച്ചിടുമെന്ന് ഉത്തരവില്‍ പറയുന്നു. ആളുകള്‍ക്ക് നടക്കാനും സൈക്കിള്‍ ഉപയോഗിക്കാനും അനുമതിയുണ്ടാവും എന്നാല്‍ വാഹനങ്ങള്‍ അനാവശ്യമായി ഉപയോഗിക്കുന്നത് കര്‍ശനമായി വിലക്കിയിട്ടുണ്ട്. ഞായറാഴ്ച ദിവസങ്ങളില്‍ ആരോഗ്യപരമായ അത്യാവശ്യം ഉണ്ടെങ്കില്‍ മാത്രമേ ജനങ്ങള്‍ പുറത്തിറങ്ങാന്‍ പാടുള്ളൂ എന്ന് ഉത്തരവില്‍ പറയുന്നു.
പാല്‍,പത്രം തുടങ്ങിയവയുടെ വിതരണത്തിന് ലോക്ക് ഡൗണ്‍ ബാധകമല്ല. അവശ്യ സാധനങ്ങള്‍ വില്‍ക്കുന്ന കടകള്‍ക്ക് തുറന്ന് പ്രവര്‍ത്തിക്കാന്‍ അനുമതിയുണ്ടാവും. രാവിലെ എട്ട് മുതല്‍ രാത്രി 9 വരെ ഹോട്ടലുകള്‍ക്ക് പാ‍ര്‍സല്‍ സര്‍വീസ് നല്‍കാനായി തുറന്ന് പ്രവര്‍ത്തിക്കാം. രാത്രി പത്ത് മണിവരെ ഹോട്ടലുകളില്‍ നിന്നും ഓണ്‍ലൈന്‍ ഫുഡ് ഡെലിവറിക്കും അനുമതിയുണ്ടാവും.
ചരക്കു വാഹനങ്ങളുടെ നീക്കത്തിന് ഇളവുകളുണ്ടാവും. മാലിന്യനിര്‍മാര്‍ജനം, കൊവിഡ് പ്രതിരോധവുമായി ബന്ധപ്പെട്ട് പ്രവ‍ര്‍ത്തിക്കുന്ന സര്‍ക്കാര്‍ ഉദ്യോഗസ്ഥര്‍, സന്നദ്ധ പ്രവര്‍ത്തകര്‍ എന്നിവര്‍ക്കും ലോക്ക് ഡൗണ്‍ ഇളവ് ബാധകമാണ്.
അവശ്യ സേവനങ്ങള്‍, പാല്‍ വിതരണം,-സംഭരണം, ആശുപത്രി, ലാബ്, മെഡിക്കല്‍ സ്റ്റോറുകള്‍, ആരോഗ്യ, കോവിഡ് പ്രവര്‍ത്തനത്തിലേര്‍പ്പെട്ട വകുപ്പുകള്‍, മാലിന്യ നിര്‍മാര്‍ജനത്തിലേര്‍പ്പെട്ടവര്‍ തുടങ്ങിയ വിഭാഗങ്ങള്‍ക്ക് പ്രവര്‍ത്തിക്കാം.
മാധ്യമങ്ങള്‍ക്കും വിവാഹ, മരണ ചടങ്ങുകള്‍ക്കും നിയന്ത്രണം ബാധകമല്ല. നിയന്ത്രണങ്ങള്‍ക്കു വിധേയമായി ദേവാലയങ്ങളില്‍ ആരാധന നടത്താമെന്നും മുഖ്യമന്ത്രി പിണറായി വിജയന്‍ വാര്‍ത്തസമ്മേളനത്തില്‍ അറിയിച്ചു.
ഹോട്ടലുകളില്‍ ടേക്ക് എവേ സര്‍വിസ് കൗണ്ടര്‍ പ്രവര്‍ത്തിക്കാം. മെഡിക്കല്‍ ആവശ്യത്തിനും കോവിഡ് പ്രതിരോധത്തിനും ഉദ്യോഗസ്ഥര്‍ക്ക് സഞ്ചരിക്കാം. സന്നദ്ധ പ്രവര്‍ത്തകര്‍ക്കും അനുവദനീയ കാര്യങ്ങള്‍ക്ക് പ്രവര്‍ത്തിക്കുന്നവര്‍ക്കും സഞ്ചരിക്കാന്‍ അനുവാദമുണ്ട്. മറ്റ് അത്യാവശ്യ ആവശ്യങ്ങള്‍ക്ക് യാത്ര ചെയ്യുന്നവര്‍ക്ക് ജില്ല ഭരണകൂടത്തിെന്‍റയും പൊലീസിെന്‍റയും പാസ് വേണം.
വാഹനങ്ങള്‍ കൂടുതലായി പുറത്തിറങ്ങാത്തതിനാല്‍ പെട്രോളിെന്‍റ ആവശ്യംവരാന്‍ സാധ്യതയില്ല. എന്നാലും ആവശ്യക്കാര്‍ക്ക് പെട്രോള്‍ ലഭ്യമാക്കാന്‍ പമ്ബുകളുടെ കാര്യത്തില്‍ ആകുന്ന കാര്യങ്ങള്‍ ചെയ്യാമെന്നും പറഞ്ഞു.
https://www.facebook.com/Malayalivartha
