മാ​ല​ദ്വീ​പി​ല്‍ നി​ന്നു​ള്ള പ്ര​വാ​സി​ക​ളു​മാ​യി കൊ​ച്ചി തീ​ര​ത്തെ​ത്തി​യ ഇ​ന്ത്യ​ന്‍ നാ​വി​ക​സേ​ന ക​പ്പ​ല്‍ ഐ​എ​ന്‍​എ​സ് ജ​ലാ​ശ്വ​യി​ല്‍ 20 സം​സ്ഥാ​ന​ങ്ങ​ളി​ല്‍ നി​ന്നു​ള്ള യാ​ത്ര​ക്കാ​രും.

ക​പ്പി​ലി​ലെ 698 യാ​ത്ര​ക്കാ​രി​ല്‍ 440 പേ​ര്‍ മ​ല​യാ​ളി​ക​ളാ​ണ്. മ​ല​യാ​ളി​ക​ളെ അ​ത​ത് ജി​ല്ല​ക​ളി​ലാ​കും ക്വാ​റ​ന്‍റൈ​നി​ല്‍ പാ​ര്‍​പ്പി​ക്കു​ക. ഇ​ത​ര​സം​സ്ഥാ​ന​ക്കാ​രെ കൊ​ച്ചി​യി​ല്‍ ത​ന്നെ ക്വാ​റ​ന്‍റൈ​നി​ലാ​ക്കും. ഇ​ത​ര സം​സ്ഥാ​ന​ക്കാ​ര്‍ അ​ട​ക്കം 280 പേ​രെ​യാ​ണ് കൊ​ച്ചി​യി​ല്‍ ക്വാ​റ​ന്‍റൈ​നി​ല്‍ പാ​ര്‍​പ്പി​ക്കു​ന്ന​ത്.

ഇ​തി​നു​ള്ള ഒ​രു​ക്ക​ങ്ങ​ള്‍ പൂ​ര്‍​ത്തി​യാ​യ​താ​യി ജി​ല്ലാ ഭ​ര​ണ​കൂ​ടം അ​റി​യി​ച്ചു. 12 മ​ണി​ക്കൂ​റി​ന​കം യാ​ത്ര​ക്കാ​രെ ക്വാ​റ​ന്‍റൈ​ന്‍ കേ​ന്ദ്ര​ത്തി​ലേ​ക്ക് മാ​റ്റും.

പ്ര​ത്യേ​ക വാ​ഹ​ന​ത്തി​ലാ​ണ് ഇ​വ​രെ ക്വാ​റ​ന്‍റൈ​ന്‍ കേ​ന്ദ്ര​ത്തി​ല്‍ എ​ത്തി​ക്കു​ക.

അതേസമയം മസ്കറ്റ്, കുവൈത്ത് എന്നിവിടങ്ങളില്‍ നിന്ന് ശനിയാഴ്ച രാത്രി നെടുമ്ബാശ്ശേരി വിമാനത്താവളത്തിലെത്തിയവരില്‍ ആലപ്പുഴ ജില്ലക്കാരായ 14 പേരും. ഇവരെ ചേര്‍ത്തല ശ്രീ ബാലാജിയില്‍ ക്വാറന്റൈനില്‍ പ്രവേശിപ്പിച്ചു. പത്ത് പുരുഷന്മാരും നാലു സ്ത്രീകളും ഇതിലുള്‍പ്പെടുന്നു. ഇന്ന് പുലര്‍ച്ചെ മൂന്ന് മണിയോടെയാണ് ഇവരെ കെ.എസ്.ആര്‍.ടി.സി ബസില്‍ ചേര്‍ത്തല എത്തിച്ചത്.

പ്രവാസികളില്‍, സര്‍ക്കാര്‍ ഹോം ക്വാറന്റൈന്‍ അനുവദിച്ച വിഭാഗത്തില്‍ പെട്ടവരെ വീടുകളില്‍ നിരീക്ഷണത്തിനായി പോകാന്‍ അനുവദിച്ചു. മറ്റുള്ളവരെയാണ് കോവിഡ് കെയര്‍ സെന്ററായ ശ്രീ ബാലാജിയില്‍ പ്രവേശിപ്പിച്ചത്. മാലദ്വീപില്‍ നിന്ന് ഇന്നു കൊച്ചിയിലെത്തിയ കപ്പലില്‍ ജില്ലയില്‍ നിന്നുള്ള 48 ഓളം പേര്‍ ഉണ്ടെന്നാണ് അറിയിപ്പ്. ഇവരെയും ചേര്‍ത്തല താലൂക്കിലെ കോവി ഡ് കെയര്‍ സെന്ററില്‍ പ്രവേശിപ്പിക്കും.