തബ്ലീഗിനെ തൊട്ടുള്ള കളിവേണ്ട; വംശീയ പരാമര്‍ശത്തില്‍ പി.എസ്.സി ബുള്ളറ്റിന്‍ എഡിറ്റോറിയല്‍ സമകാലികം വിഭാഗത്തിലെ മൂന്നുപേരെ സ്ഥലംമാറ്റി സംസ്ഥാന സര്‍ക്കാര്‍;
കൊവ്ഡ് ആദ്യ ഘട്ടത്തില്‍ നിയന്ത്രണ വിധേയ മായിരുന്ന തമിഴ്‌നാട്, മഹാരാഷ്ട്ര ഉള്‍പ്പെടെയുള്ള സംസ്ഥാനങ്ങളില്‍ തബ്ല്ലീഗ് സമ്മേളനത്തില്‍ പങ്കെടുത്ത ആളുകള്‍ക്ക് നിരവധി പേര്‍ക്ക് രോഗം സ്ഥിരീകരിക്കുന്ന സാഹചര്യമുണ്ടായി. ഇത് പല ഇടങ്ങളിലും വലിയ ഭീതി സൃഷ്ടിച്ചു എന്നുള്ളത് വസ്തുതയാണ് എങ്കില്‍ കൂടി. ഇത് പിഎസ്സിയില്‍ ഉള്‍പ്പെടുത്തിയ നടപടി അതിനെതിരെ സംസ്ഥാന സര്‍ക്കാര്‍ കര്‍ശനമായ നടപടിയാണ് സ്വീകരിച്ചിരിക്കുന്നത്, കേരള പി.എസ്.സി ബുള്ളറ്റിനിലെ ഇത്തരത്തിലുള്ള വംശീയ പരാമര്‍ശത്തില്‍ പി.എസ്.സി ബുള്ളറ്റിന്‍ എഡിറ്റോറിയല്‍ സമകാലികം വിഭാഗത്തിലെ മൂന്നുപേരെ മാറ്റി. ഇവര്‍ക്ക് കാരണം കാണിക്കല്‍ നോട്ടീസ് നല്‍കുകയും ചെയ്തു. തെറ്റായ പരാമര്‍ശത്തിന്റെ ധാര്‍മിക ഉത്തരവാദിത്തം ഏറ്റെടുത്താണ് നടപടിയെന്ന് പി.എസ്.സി ചെയര്‍മാന്‍ അറിയിച്ചു. തബ്ലീഗ് സമ്മേളനം രാജ്യത്ത് കോവിഡ് പടര്‍ത്തിയെന്ന സംഘ്പരിവാര്‍ ശക്തികള്‍ ഉന്നയിച്ച ആരോപണം പി.എസ്.സിയുടെ ഔദ്യോഗിക ബുള്ളറ്റിനില്‍ അതേപടി പകര്‍ത്തിയിരുന്നു.
ഏപ്രില്‍ 15ന്റെ ലക്കത്തില്‍ സമകാലികം പംക്തിയില്‍ 19ാമത്തെ പ്രസ്താവന ഇങ്ങനെ: 'രാജ്യത്തെ നിരവധി പൗരന്‍മാര്‍ക്ക് കോവിഡ് 19 ബാധയേല്‍ക്കുവാന്‍ കാരണമായ തബ്ലീഗ് മത സമ്മേളനം നടന്നത് നിസാമുദ്ദീന്‍ (ന്യൂഡല്‍ഹി)'. കഴിഞ്ഞ ഒരു മാസത്തെ വിവരങ്ങള്‍ ചുരുക്കി പറയുന്നതാണ് പംക്തി.
എ. ശ്രീകുമാര്‍, ബി. രാജേഷ്‌കുമാര്‍ എന്നിവര്‍ ചേര്‍ന്നാണ് സമകാലികം പംക്തി തയാറാക്കിയത്. ഒരു പി.എസ്.സി മെംബര്‍ക്കാണ് പി.എസ്.സി ബുള്ളറ്റിന്റെ ചുമതല. പി.എസ്.സി സെക്രട്ടറിയാണ് ജനറല്‍ എഡിറ്റര്‍. സംഭവം പരിശോധിച്ച് നടപടിയെടുക്കുമെന്ന് പി.എസ്.സി സെക്രട്ടറി അറിയിച്ചിരുന്നു.
ചോദ്യം പ്രസിദ്ധീകരിച്ചതിനു പിന്നാലെ ഇസ്ലാമിക സംഘടനകളില്‍ നിന്ന് പ്രതിഷേധം ഉയര്‍ന്നിരുന്നു. ചോദ്യം റദ്ദാക്കണമെന്ന് ഉദ്യോഗസ്ഥര്‍ക്കെതിരേ നടപടി വേണമെന്നുമായിരുന്നു ഇവരുടെ ആവശ്യം. തുടര്‍ന്നാണ് ഇന്നു കമ്മിഷന്‍ യോഗം ചേര്‍ന്ന് എ. ശ്രീകുമാര്‍, രമേശ് കുമാര്‍, മറ്റൊരു ഉദ്യോഗസ്ഥന്‍ എന്നിവരെ നീക്കം ചെയ്തത്. വിഷയത്തില്‍ തുടരന്വേഷണവും കമ്മിഷന്‍ ചെയര്‍മാന്‍ എം.കെ. സക്കീര്‍ പ്രഖ്യാപിച്ചിട്ടുണ്ട്. ഇതിനെതിരെ സംഘപരിവാര്‍ ഉന്നയിക്കുന്ന വിമര്‍ശനം ഇങ്ങനെയാണ്. അയ്യാഗുരു സ്വാമിയെ അടക്കം പരസ്യമായി അധിക്ഷേപിക്കുന്നതടക്കം ഹിന്ദു വിരുദ്ധമായ പല ചോദ്യങ്ങളും മുന്‍പ് പിഎസ് സിയുടെ പരീക്ഷകളില്‍ പോലും ഇടം പിടിച്ചപ്പോള്‍ നടപടി സ്വീകരിക്കാത്ത കമ്മിഷന്‍ ആണ് ബുള്ളറ്റിനിലെ ഒരു ചോദ്യത്തില്‍ ഉടനടി നടപടിയുമായി രംഗത്തെത്തിയിരിക്കുന്നത് .
https://www.facebook.com/Malayalivartha
