ലോക്ക്ഡൗണിനെ തുടര്‍ന്ന് നാട്ടിലേക്ക് മടങ്ങിയ രണ്ട് കുടിയേറ്റ തൊഴിലാളികള്‍ അപകടത്തില്‍ മരിച്ചു
ലോക്ക്ഡൗണിനെ തുടര്‍ന്ന് നാട്ടിലേക്ക് മടങ്ങിയ രണ്ട് കുടിയേറ്റ തൊഴിലാളികള്‍ ഹരിയാനയിലും ഉത്തര്‍പ്രദേശിലും നടന്ന രണ്ട് വ്യത്യസ്ത അപകടങ്ങളില്‍ മരിച്ചു. ഹരിയാനയില്‍ ബിഹാറില്‍നിന്നുള്ള കുടിയേറ്റ തൊഴിലാളി അതിവേഗത്തില്‍ എത്തിയ കാര്‍ ഇടിച്ച് മരിച്ചു. ഇയാള്‍ക്കൊപ്പം ഉണ്ടായിരുന്ന തൊഴിലാളിക്ക് പരിക്കേറ്റു.
സൈക്കിളില്‍ നാട്ടിലേക്ക് മടങ്ങുകയായിരുന്ന മറ്റൊരു കുടിയേറ്റ തൊഴിലാളി ബുലന്ദശഹറില്‍ അപകടത്തില്‍ മരിച്ചു. ഹരിയാനയിലെ അംബാലയില്‍ ചൊവ്വാഴ്ച പുലര്‍ച്ചെയുണ്ടായ അപകടത്തിലാണ് ഒരു തൊഴിലാളി മരിച്ചത്. കുടിയേറ്റ തൊഴിലാളികള്‍ റോഡിലൂടെ നടന്നുപോകുമ്പോള്‍ കാര്‍ ഇടിക്കുകയായിരുന്നു.
ഒരാള്‍ സംഭവസ്ഥലത്തു തന്നെ മരിച്ചു. ഗുരുതര പരിക്കേറ്റ രണ്ടാമനെ ആശുപത്രിയില്‍ പ്രവേശിപ്പിച്ചു. ഇവര്‍ ബിഹാറിലേക്ക് കാല്‍നടയായി പോകുകയായിരുന്നു. ഇടിച്ച കാര്‍ ഓടിച്ചയാള്‍ സംഭവസ്ഥലത്തുനിന്നും കടന്നുകളഞ്ഞു. കാര്‍ പോലീസ് കസ്റ്റഡിയിലെടുത്തു.രണ്ടാമത്തെ അപകടം യുപിയിലെ ബുലന്ദശഹറിലായിരുന്നു. ഇരുപത്തിയഞ്ചുകാരനായ ശിവകുമാര്‍ ദാസ് ആണ് മരിച്ചത്.
പടിഞ്ഞാറന്‍ യുപിയില്‍നിന്ന് ബിഹാറിലേക്ക് സൈക്കിളില്‍ പുറപ്പെട്ടതായിരുന്നു ശിവകുമാറും സംഘവും. േ്രബക്ക് നഷ്ടപ്പെട്ട കാര്‍ സൈക്കിളില്‍ ഇടിച്ചായിരുന്നു അപകടം നടന്നത്.
"
https://www.facebook.com/Malayalivartha
