കഴിഞ്ഞ ദിവസമാണ് നാട്ടുകാരെ ഞെട്ടിച്ച വാർത്ത പുറത്ത് വന്നത്. വെള്ളറട ചെമ്ബൂര്‍ ഹയര്‍സെക്കന്‍ഡറി സ്‌കൂളിലെ പ്ലസ് ടു വിദ്യാര്‍ത്ഥിനി ആരിയെ കണ്ടെത്തിയത് വീടിനു സമീപത്തെ കുളിമുറിയില്‍ തൂങ്ങിമരിച്ച നിലയില്‍. കൊറോണയെ തുടര്‍ന്നു മാറ്റിവെച്ച പരീക്ഷ എഴുതാനുള്ള തയ്യാറെടുപ്പ് നടക്കുന്നതിനീടെ ആര്യയുടെ ആത്മഹത്യ വീട്ടുകാരേയും ഞെട്ടിച്ചിരിക്കുകയാണ്. ഡാലും മുഖം ബിന്ദു നിവാസില്‍ സുരേഷ്-ബിന്ദു ദമ്ബതികളുടെ മകളാണ് ആര്യാദേവി. ശംഭുവും ശിവകാമിയുമാണ് ആര്യാദേവിയുടെ സഹോദരങ്ങള്‍.

അതേസമയം ആത്മഹത്യക്ക് പിന്നിലെ കാരണം കണ്ടെത്താൻ സാധിച്ചില്ല. ബാത്ത്‌റൂമില്‍ നിന്നും വെള്ളം തുടര്‍ച്ചയായി പോകുന്ന ശബ്ദം കേട്ട് സഹോദരന്‍ എത്തി വാതില്‍ തുറന്നു നോക്കുമ്ബോഴാണ് ആര്യയെ തൂങ്ങിയ നിലയില്‍ കാണുന്നത്. രാവിലെ തന്നെ ബാത്ത്‌റൂമില്‍ കയറി ആര്യ കതകടച്ചിരുന്നു. വെള്ളം ഒഴുകി പോകുന്ന ശബ്ദം കേട്ടിട്ട് വിളിച്ചിട്ടും പ്രതികരണം കിട്ടാത്തത് കാരണമാണ് വാതില്‍ തുറന്നു സഹോദരന്‍ അകത്ത് കയറിയത്. അപ്പോഴേക്കും മരിച്ചിരുന്നു.

ആര്യയുടെ മരണത്തില്‍ സംശയങ്ങള്‍ ഒന്നും അവശേഷിക്കുന്നില്ല. പ്രാഥമിക അന്വേഷണത്തില്‍ മരണം ആത്മഹത്യ തന്നെയാണ്. ആത്മഹത്യാ കുറിപ്പ് ഒന്നും കണ്ടുകിട്ടിയിട്ടുമില്ലെന്ന് വെള്ളറട പൊലീസ് പറഞ്ഞു. അസ്വാഭാവിക മരണത്തിനു കേസ് രജിസ്റ്റര്‍ ചെയ്തതായി പൊലീസ് പറഞ്ഞു.