ചെറുപുഴ - പയ്യന്നൂര് റൂട്ടിലെ സംരക്ഷണഭിത്തി നിര്മാണം പുനരാരംഭിച്ചു
കണ്ണൂര് ജില്ലയില് ചെറുപുഴ - പയ്യന്നൂര് റൂട്ടിലെ കുണ്ടംതടം ഭാഗത്തെ സംരക്ഷണഭിത്തിയുടെ നിര്മാണം പുനരാരംഭിച്ചു. കഴിഞ്ഞവര്ഷം ഉണ്ടായ പ്രളയത്തിലാണു കുണ്ടംതടത്തെ മണ്കൂന ഇടിഞ്ഞു റോഡിലേക്ക് വീണത്. ഇതോടെ റോഡിന്റെ പാതിഭാഗം മണ്ണിനടിയിലാകുകയും സമീപത്തെ വീടുകള് അപകട ഭീഷണിയിലാകുകയും ചെയ്തു. തുടര്ന്നാണ് ഇവിടെ സംരക്ഷണഭിത്തി നിര്മിക്കണമെന്ന ആവശ്യം ശക്തമായത്.
പൊതുമരാമത്ത് വകുപ്പ് 25 ലക്ഷം രൂപ അനുവദിച്ചു. സി.കൃഷ്ണന് എംഎല്എ ഉള്പ്പെടെയുള്ള ജനപ്രതിനിധികള് ഇടപ്പെട്ടാണ് ഫണ്ട് ലഭ്യമാക്കിയത്. തുടര്ന്നു റോഡിലെ മണ്ണ് നീക്കി സംരക്ഷണഭിത്തി നിര്മാണ പ്രവൃത്തി ആരംഭിച്ചു. ഇതിനിടയില് ലോക്ഡൗണ് പ്രഖ്യാപിച്ചതിനെ തുടര്ന്നു നിര്മാണം നിലച്ചു.
പിന്നീട് പ്രത്യേക അനുമതി വാങ്ങിയാണ് ലോക്ഡൗണ് മൂലം നിര്ത്തിയ സംരക്ഷണഭിത്തി നിര്മാണം പുനരാരംഭിച്ചത്. കാലവര്ഷത്തിനു മുന്പ് സംരക്ഷണഭിത്തി നിര്മാണം പൂര്ത്തിയാക്കാനുള്ള ശ്രമത്തിലാണ് അധികൃതര്. സി.കൃഷ്ണന് എംഎല്എ സ്ഥലം സന്ദര്ശിച്ചു നിര്മാണപുരോഗതി വിലയിരുത്തി.
https://www.facebook.com/Malayalivartha