കേരള സർക്കാറിനെതിരെ രൂക്ഷമായ ആരോപണങ്ങളുമായി പ്രതിപക്ഷ നേതാവ് രമേശ് ചെന്നിത്തല . സർക്കാരിന്റേത് അവസാനം വരെ പിടിച്ച് നിൽക്കുന്ന കള്ളന്റെ തന്ത്രമാണെന്നും സ്പ്രിക്ളരിൽ പ്രതിപക്ഷം ഉന്നയിച്ച ആരോപണങ്ങൾ തെളിഞ്ഞെന്നും അദ്ദേഹം വ്യക്‌തമാക്കി. അമേരിക്കൻ കമ്പനി ഡാറ്റ കൊണ്ട് വൻ നേട്ടം ഉണ്ടാക്കുമായിരുന്നു . പ്രതിപക്ഷം ഉന്നയിച്ച ശേഷമാണ് രേഖകൾ ഉണ്ടാക്കുന്നതെന്നും അദ്ദേഹം വ്യക്തമാക്കി. കോവിഡിന്റെ മറവിൽ പൗരാവകാശം നിഷേധിക്കുന്ന ഏകാധിപതിയാണ് പിണറായി എന്നും ചെന്നിത്തല പറഞ്ഞു. സർക്കാരിന്റെ സത്യവാങ്മൂലത്തിൽ നിറയെ വൈരുധ്യമെന്നും പ്രതിപക്ഷ നേതാവ് പറഞ്ഞു. കഴിഞ്ഞ ദിവസമായിരുന്നു സ്പ്രിങ്കലറിൽ നിർണ്ണായകമായ തീരുമാനം വന്നത്.

 സ്പ്രിങ്ക്ളര്‍ കരാറില്‍ കള്ളം കൈയോടെ പിടിക്കപ്പെട്ടപ്പോള്‍ കളവ് മുതല്‍ ഉപേക്ഷിക്കുകയായിരുന്നു. സര്‍ക്കാരിന്‍റേത് അവസാനം വരെ പിടിച്ചുനില്‍ക്കുന്ന കള്ളന്‍റെ തന്ത്രമാണെന്നും ചെന്നിത്തല വിമര്‍ശിച്ചു. സ്പ്രിങ്ക്ളര്‍ കരാറില്‍ പ്രതിപക്ഷ ആരോപണങ്ങള്‍ ശരിയെന്ന് തെളിഞ്ഞു. സ്പ്രിങ്ക്ളര്‍ നിന്ന് ഡാറ്റ അനാലിസിസ് സി-ഡിറ്റിലെത്തിയത് പ്രധാന നേട്ടമാണ്. കരാറില്‍ നിന്ന് സി-ഡിറ്റിനേയും ഐ.ടി മിഷനേയും മാറ്റി നിര്‍ത്തിയിരിക്കുകയായിരുന്നെന്നും ചെന്നിത്തല വാര്‍ത്താ സമ്മേളനത്തില്‍ പറഞ്ഞു. പ്രതിപക്ഷം ആരോപണം ഉന്നയിക്കുംവരെ കരാറിനെ കുറിച്ച്‌ മറ്റാരും അറിഞ്ഞിരുന്നില്ല. കരാറിനെ കുറിച്ച്‌ മന്ത്രിസഭയോ എല്‍ഡിഎഫോ ചര്‍ച്ച നടത്തിയിട്ടില്ല. കരാറുമായി മുന്നോട്ട് പോയിരുന്നെങ്കില്‍ മലയാളികളുടെ ആരോഗ്യ വിവരങ്ങള്‍ സ്പ്രിങ്ക്ളറുടെ പക്കലായേനേ എന്നും അദ്ദേഹം പറഞ്ഞു. കോവിഡിന്‍റെ മറവില്‍ പൗരാവകാശം നിഷേധിക്കുന്ന ഏകാധിപതിയാണ് പിണറായി. സ്പ്രിങ്ക്റില്‍ സര്‍ക്കാര്‍ ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍ മുഴുവന്‍ വൈരുദ്ധ്യമെന്നും പ്രതിപക്ഷ നേതാവ് വിമര്‍ശിച്ചു.